صباح الخير اخوتي واخواتي الاعزاء
صباح معطر برضا وغفران وعفو من الرحمن وتُنيره حروف القرآن
اقدم لحضراتكم كلماتي المتواضعه بمقطوعات مختلفه
ان شاء الله تنال اعجابكم
انا جرحي توظف
صار صاحب بيت
واهل الدار وسط القلب منجمعين
الشاب اليتخرج
شك صدر الكتاب
ومصدر رزقه صار الدمع من العين
وانا جرحي شقره؟
بس درخ درس الضيم
واخذ ممتاز حط بقلبي الف سچين
اريد انا افتهم
واسطة الجرح ياهو؟
ماعنده عقد رأساً لگه التعيين
.
.
.
.
.
عليّ هالوادم توچد
تگول شماله بس يضحك
مايدرون جرحي انه من الحياة
الينجرح من البشر
حتى اذا جرحه قوي
ممكن يطيب
بس علاج الجرح عندي للمماة
انا من اضحك
تدرون من اضحك شسوي؟
حتى اطلع الجرح البسگف اللهاة
.
.
.
.
.
انا اعرف وطن اسمه العراق
فهمني .. اشرحلي
گلي بس انت شجاك
تغير اسمك يا وطن
والقاف صارت كاف
والوطن اصبح عراك
جنت اذا ابعد دقيقه
او حتى اذا مره افكر
والله يذبحني الفراك
وهسه بس ينكال اسمك
انا اصيحن حيل اهووووو
اعتقد لازم انساك
بس شسوي لقلبي هذا
بس اكول اتمنى ابعد
يحلفني اظل وياك
بقلمي المتواضع : علاء كريم
احترامي
صباح معطر برضا وغفران وعفو من الرحمن وتُنيره حروف القرآن
اقدم لحضراتكم كلماتي المتواضعه بمقطوعات مختلفه
ان شاء الله تنال اعجابكم
انا جرحي توظف
صار صاحب بيت
واهل الدار وسط القلب منجمعين
الشاب اليتخرج
شك صدر الكتاب
ومصدر رزقه صار الدمع من العين
وانا جرحي شقره؟
بس درخ درس الضيم
واخذ ممتاز حط بقلبي الف سچين
اريد انا افتهم
واسطة الجرح ياهو؟
ماعنده عقد رأساً لگه التعيين
.
.
.
.
.
عليّ هالوادم توچد
تگول شماله بس يضحك
مايدرون جرحي انه من الحياة
الينجرح من البشر
حتى اذا جرحه قوي
ممكن يطيب
بس علاج الجرح عندي للمماة
انا من اضحك
تدرون من اضحك شسوي؟
حتى اطلع الجرح البسگف اللهاة
.
.
.
.
.
انا اعرف وطن اسمه العراق
فهمني .. اشرحلي
گلي بس انت شجاك
تغير اسمك يا وطن
والقاف صارت كاف
والوطن اصبح عراك
جنت اذا ابعد دقيقه
او حتى اذا مره افكر
والله يذبحني الفراك
وهسه بس ينكال اسمك
انا اصيحن حيل اهووووو
اعتقد لازم انساك
بس شسوي لقلبي هذا
بس اكول اتمنى ابعد
يحلفني اظل وياك
بقلمي المتواضع : علاء كريم
احترامي
