من روائع ناظم الحاشي (دوس اعله الورد)

[سعد العراقي راقي]

دوس اعله الورد كام الورد ينداس

بس عطر الورد مانكدر اندوسه

يصح واحد جريمه اعله الوجه ينباس

وواحد بالرجل يستاهل البوسه

يلعندك شمس لازم يجيك الليل

ويجبرك غصب تحتاج فانوسه

ولتأمن زمان الي علم الطاووس

يتبختر وهلس ريش طاووسه

ياتابوت ميت ماتشيله اجفوف

حتى انكول مات و شالته فلوسه

فك سجن البلابل يازمان الخوف

ليش بلا ذنب اعله الصوت محبوسه

ولتخدر ورد من شتلت الكمون

والشتله الخبيثه ابصفهه مغروسة

بالك لاتشم ريحة ورد مشموم

وجسمك لاتلبسه ثياب ملبوسة

موت بهالزمن مو مشكلة من اتموت

بس اترك اثر وافعال ملموسة

نام بلا خبز خليك ميت جوع

ماجاعت بطن وعيون متروسة







الشاعر ناظم الحاشي

 

[عطري وجودك]

رد: من روائع ناظم الحاشي (دوس اعله الورد)

شكرا لك ع المجهود الراقي

 

[جنون العاطفه]

رد: من روائع ناظم الحاشي (دوس اعله الورد)


دوس اعله الورد كام الورد ينداس

بس عطر الورد مانكدر اندوسه

يصح واحد جريمه اعله الوجه ينباس

وواحد بالرجل يستاهل البوسه


رووووعه كلششش
يسلم انتقائك

 

[غمزة]

رد: من روائع ناظم الحاشي (دوس اعله الورد)

اسطر بديعة
بوركت الجهود وبارك الله بك للاحضار الرائع
تحياتي واحترامي