من هو الخدّاع الأكبر
تذكير بالقصتين
قصة @انانا عشتار الغالية ..
مغامرات الزي المخالف: تقفيص الكلية !
الفصل الأول: سيطرة الأمنية
ذاك اليوم الجو جان يجنن وأني ضاربة الركن ولابسة فستان لونه شاطح ومخالف لزي الكلية تماماً وصلت للباب ولازم أعبر سيطرة الأمنية اللي يسجلون المخالفات وكفني الحرس يابة وين هذا مو زي الكلية أني هنا شغلت وضعية الثقة العمياء وكلتله بوجه بريء خوية والله المطبعة غدرت بينا جانت تسوي بالفساتين وخلصت الصبغة فجأة واضطروا يضيفون هذا اللون من عندهم حتى يلحقون يخلصوها الظاهر الحرس انقهر على حال المطبعة والصبغة المخلصة وكلي يلا فوتي بس لا تعيديها
الفصل الثاني: الدكتورة وكوز الغفلة
صعدت للقسم ولكيت الدكاترة كلهم بوجهي حتى رئيس القسم فتت للمحاضرة متأخرة الدكتورة شافتني والدكتورة جانت من ذني "المتشنجات" اللي الكل يرجف منها وما حد يسترجي يفتح حلكه وياها بكلمة شافتني وبدأت الأسطوانة ها عيني جاية عروس ومخالفة وبعد وقت أول ما كعدت الدكتورة باوعتلي وكالت بنبرة حادة وين ورقة الامتحان أني باوعت يمنة ويسرة وكلت بكل برود ليش دكتورة هو إحنا عدنا اليوم كوز هي اهنا فيوزاتها ضربت وكالت لا والله روحي تريكي أحسن لج أني ما جذبت خبر كلتلها والله يا دكتورة جيتي ع الجرح ميتة جوع طردتني ومن ضحكوا الطلاب طردتهم وياي فصار عدنا كروب المطرودين
الفصل الثالث: المواجهة مع رئيس القسم
واحنا نازلين نركض صار رئيس القسم بوجهنا بالصدفة وكفنا وسألنا بكل هيبة وين رايحين بهالوقت جاوبته بضحكة مال وحدة متميزة والله دكتورة فلانة أخذت حضورنا وكالت انتوا متميزين عندي وعفيتكم من الكوز فكلتلنا روحوا اخذوا ريست بين ما أمتحن البقية باوع على الفستان وكال والمخالفة كلتله كتبت تعهد بالقسم وما راح تتكرر رئيس القسم خطية صدك السالفة وكلي ما دام انتوا متميزين روحي هسة للقسم وخليهم يحذفون التعهد ما يصير متميزة وعليها نقطة سوداء
الخاتمة: الهروب الكبير
أني رحت لغرفة القسم وكفت باب الإدارة خمس دقايق سويت نفسي دا أحذف التعهد الوهمي اللي هو أصلاً ما انكتب ورجعت مارة من كدام رئيس القسم وكلتله تم أستاذ انحذف ونزلت أتريك وأني أضحك على اليوم اللي بلش بمخالفة وانتهى بلقب متميزة معفية من الكوز
وقصة الغالية @حياتي البصرة
بسم الله نبلش مغامراتي وي شارع كليتنة المزعج
كان يوم عادي من أيام الدوام، والركضة كعدت الصبح ع وقت مدام اليوم دوام اكعد ع وكت انا صح.دوامي مسائي بس حتى الحك ع شغل البيت واروح للدوام عندي محاضرة. كلش مهمة الجو جان برد شوي والسما مغيمة خلصت شغلي وصارت وقت ابدل واروح لكليتي اجة الخط علية كالعادة خليتة ينتضر فد ربع ساعة
وصلت الكلية الي متعرفو كليتنة صاير بداخل شارع ولازم اعبر تقاطع يالة اوصل بذاك اليوم جان الشارع مزدحم ومليان سيارات لأن الوقت كان وقت دوام. وطلاب الصباحي بلشو يطلعون نزلت من السيارة ومشيت شوية بالتقاطع حتى أعبر
كنت واكفةة على الرصيف أنتظر السيارات تخف حتى أگدر أعبر. الناس جانوا مستعجلين، وكل واحد يريد يوصل لدوامه بسرعة. بعد شوية حسّيت الطريق صار أهدأ، فبديت أعبر بهدوء. وأنا بنص الشارع سمعت صوت سيارة جاية بسرعة، ولما التفت شفت السايق حاول يوكف فجأة وضغط بقوة على البريك
صار صوت البريك عالي، والناس اللي بالشارع التفتوا. السيارة انحرفت شوي ودعمت دعمة خفيف بسيارة ثانية كانت واكفة يم الرصيف. للحظة خفت هواي وكلت اكلتها ثواني وراح اسمع من هوة ربك
انتبهت شوية للطريق وگلت يمكن صار شي خطير، لأن الصوت جان قوي والكل وكف يتفرج.
نزل السايق من السيارة بسرعة حتى يشوف شصار، ونزل صاحب السيارة الثانية همين. بالبداية جانوا متوترين شوي، بس بعد ما شافوا إنه ماكو إصابات الحمدلله، هدي الوضع. كم شخص من الناس اللي كانوا قريبين اجوا يساعدون وينظمون المرور لأن السيارات بدت تتجمع وراهم.
ما اسولفلكم ع الخرعة والهبطة الاكلتها
أنا وكفت شوي أراقب وطبعا من الهبطة سكري علك مليون راقبت اللي يصير وگلبي جان يدگ بسرعة من الخوف. بعد دقائق رجع كلشي طبيعي، وكل واحد رجع لسيارته وكمل طريقه. كملت طريقي للجامعة، بس طول الطريق كنت أفكر باللي صار.
هالموقف علمني شغلة مهمة: لازم نكون حذرين بالطريق سواء كنا نمشي أو نسوق، لأن لحظة استعجال أو عدم انتباه ممكن تسبب حادث
تذكير بالقصتين
قصة @انانا عشتار الغالية ..
مغامرات الزي المخالف: تقفيص الكلية !
الفصل الأول: سيطرة الأمنية
ذاك اليوم الجو جان يجنن وأني ضاربة الركن ولابسة فستان لونه شاطح ومخالف لزي الكلية تماماً وصلت للباب ولازم أعبر سيطرة الأمنية اللي يسجلون المخالفات وكفني الحرس يابة وين هذا مو زي الكلية أني هنا شغلت وضعية الثقة العمياء وكلتله بوجه بريء خوية والله المطبعة غدرت بينا جانت تسوي بالفساتين وخلصت الصبغة فجأة واضطروا يضيفون هذا اللون من عندهم حتى يلحقون يخلصوها الظاهر الحرس انقهر على حال المطبعة والصبغة المخلصة وكلي يلا فوتي بس لا تعيديها
الفصل الثاني: الدكتورة وكوز الغفلة
صعدت للقسم ولكيت الدكاترة كلهم بوجهي حتى رئيس القسم فتت للمحاضرة متأخرة الدكتورة شافتني والدكتورة جانت من ذني "المتشنجات" اللي الكل يرجف منها وما حد يسترجي يفتح حلكه وياها بكلمة شافتني وبدأت الأسطوانة ها عيني جاية عروس ومخالفة وبعد وقت أول ما كعدت الدكتورة باوعتلي وكالت بنبرة حادة وين ورقة الامتحان أني باوعت يمنة ويسرة وكلت بكل برود ليش دكتورة هو إحنا عدنا اليوم كوز هي اهنا فيوزاتها ضربت وكالت لا والله روحي تريكي أحسن لج أني ما جذبت خبر كلتلها والله يا دكتورة جيتي ع الجرح ميتة جوع طردتني ومن ضحكوا الطلاب طردتهم وياي فصار عدنا كروب المطرودين
الفصل الثالث: المواجهة مع رئيس القسم
واحنا نازلين نركض صار رئيس القسم بوجهنا بالصدفة وكفنا وسألنا بكل هيبة وين رايحين بهالوقت جاوبته بضحكة مال وحدة متميزة والله دكتورة فلانة أخذت حضورنا وكالت انتوا متميزين عندي وعفيتكم من الكوز فكلتلنا روحوا اخذوا ريست بين ما أمتحن البقية باوع على الفستان وكال والمخالفة كلتله كتبت تعهد بالقسم وما راح تتكرر رئيس القسم خطية صدك السالفة وكلي ما دام انتوا متميزين روحي هسة للقسم وخليهم يحذفون التعهد ما يصير متميزة وعليها نقطة سوداء
الخاتمة: الهروب الكبير
أني رحت لغرفة القسم وكفت باب الإدارة خمس دقايق سويت نفسي دا أحذف التعهد الوهمي اللي هو أصلاً ما انكتب ورجعت مارة من كدام رئيس القسم وكلتله تم أستاذ انحذف ونزلت أتريك وأني أضحك على اليوم اللي بلش بمخالفة وانتهى بلقب متميزة معفية من الكوز
وقصة الغالية @حياتي البصرة
بسم الله نبلش مغامراتي وي شارع كليتنة المزعج
كان يوم عادي من أيام الدوام، والركضة كعدت الصبح ع وقت مدام اليوم دوام اكعد ع وكت انا صح.دوامي مسائي بس حتى الحك ع شغل البيت واروح للدوام عندي محاضرة. كلش مهمة الجو جان برد شوي والسما مغيمة خلصت شغلي وصارت وقت ابدل واروح لكليتي اجة الخط علية كالعادة خليتة ينتضر فد ربع ساعة
وصلت الكلية الي متعرفو كليتنة صاير بداخل شارع ولازم اعبر تقاطع يالة اوصل بذاك اليوم جان الشارع مزدحم ومليان سيارات لأن الوقت كان وقت دوام. وطلاب الصباحي بلشو يطلعون نزلت من السيارة ومشيت شوية بالتقاطع حتى أعبركنت واكفةة على الرصيف أنتظر السيارات تخف حتى أگدر أعبر. الناس جانوا مستعجلين، وكل واحد يريد يوصل لدوامه بسرعة. بعد شوية حسّيت الطريق صار أهدأ، فبديت أعبر بهدوء. وأنا بنص الشارع سمعت صوت سيارة جاية بسرعة، ولما التفت شفت السايق حاول يوكف فجأة وضغط بقوة على البريك
صار صوت البريك عالي، والناس اللي بالشارع التفتوا. السيارة انحرفت شوي ودعمت دعمة خفيف بسيارة ثانية كانت واكفة يم الرصيف. للحظة خفت هواي وكلت اكلتها ثواني وراح اسمع من هوة ربك
انتبهت شوية للطريق وگلت يمكن صار شي خطير، لأن الصوت جان قوي والكل وكف يتفرج.نزل السايق من السيارة بسرعة حتى يشوف شصار، ونزل صاحب السيارة الثانية همين. بالبداية جانوا متوترين شوي، بس بعد ما شافوا إنه ماكو إصابات الحمدلله، هدي الوضع. كم شخص من الناس اللي كانوا قريبين اجوا يساعدون وينظمون المرور لأن السيارات بدت تتجمع وراهم.
ما اسولفلكم ع الخرعة والهبطة الاكلتها
أنا وكفت شوي أراقب وطبعا من الهبطة سكري علك مليون راقبت اللي يصير وگلبي جان يدگ بسرعة من الخوف. بعد دقائق رجع كلشي طبيعي، وكل واحد رجع لسيارته وكمل طريقه. كملت طريقي للجامعة، بس طول الطريق كنت أفكر باللي صار.
هالموقف علمني شغلة مهمة: لازم نكون حذرين بالطريق سواء كنا نمشي أو نسوق، لأن لحظة استعجال أو عدم انتباه ممكن تسبب حادث
