مو يمج خاطر افتهمج

[فقار الكرخي]

مو يمج خاطر افتهمج
وامسحهن دمعات عيونج
مو يمج والنجمه التعطش
هم تشتاك وتشرب لونج
مو يمج والكمرة التحزن
تتشذر ضحكه على ضنونج
جم جامع يسجدلج بيه
وجم مرايه شك الزيج
لا طولج يكرب للغيمه
ولاضحكاتج شاطي مخمر
جا رادوا ليش يشربونج
جا هاي المن روحي تصيح
ما عرفوا بيج انتي بروحي
رادوا بس كلمة على شفافج
وسكتوني شلون يسمعونج
حركوني شلون يشمونج
ضيعوني ورادوا يلكونج
هو انتي بنيتي وحتى الله
يدري وراد الله يصلونج
يدري وراد طويرت رمشج
تخفك وطيح دمعه من عيونج
يبنيتي وفختية روحي
يا ضحكاتي وحزني ونوحي
يا باب الله بوجه الغبشه
يا طاسة ماي وجف امي
يا عوجية ظهر الحجي
تسندني من امشي على جروحي
مو يمج جا ليش اتشذر
واسأل كلمن رايح جاي
النوب ردود اسأل روح
يمكن كالت ها يحبيب
يمكن ضحكت يمكن تبجي
يمكن ضاجت من ديرتها
يمكن عثرت يم الوادم
ها شافوا يمكن دمعتها
اسف مو يمج وافتهمج
وامسحهن دمعات عيونج
مو يمج يبنية روحي
وامسح كل اخ من ضنونج
اسف بلكي الاسف تشرب روحي
ومن تعطش روحج شربيني...



اثير الوائلي...

 

[صوُتْ آنثوّيْ]

رد: مو يمج خاطر افتهمج

سلمت يديك ع عطائك..
مانحرم منك يارب..

 

[قيصر الحب]

رد: مو يمج خاطر افتهمج

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[mohammed.shams]

رد: مو يمج خاطر افتهمج

لجهودكم باقات من الشكر والتقدير على المواضيع الرائعه والجميلة