نتشابه بالقصص كل واحد وقصته
كل واحد الي بينه احزانه ماخذته
واحد امه ماتت من حزنها عليه
والثاني الاطلاقة بعيد شامرته
وواحد انخطف وعيونه مشدودات
ومجتفين ايديه والصلية خارقته
واكو واحد سألته عن اهله وناسه
وسألته عن اخوه وكال ماشفته
وواحد هددوه ومادار الهم بال
ودزوله رصاصة ونامت بكصته
وواحد شفته يبجي وامه فرحانه
اشتميت الخبر لن امه الي مسفرته
وواحد مايدري شصار بالدنيا
سالته عالوطن كال الوطن بعته
واحد عالموبايل ينتظر رنه
بلكي يخابرونه الي خطفوا بنته
واكو واحد شايل سلاحه وابد مينام
ويدور على الي بايكين اخته
وواحد دفع فديه وماسلم منهم
وواحد مادفع زرفوله خاصرته
وشكم فنان ودكتور هاجر خايف يقتلوه
الي فلت من الجدر سموه ابو فلته
ويوميه الصبح خمسين لو عشرين
مجتوفين ,معصوبين,مقتولين
وهاي وجوههم تيزاب حاركته
وواحد متعوق قبل سنتين
اجه صاروخ يمه ومرد عائلته
وواحد شفته يمشي وبس يذب حسرات
مابقه عنده أي شي بس هدومه ساترته
واحد يبني بأيده وعشرة اليفجرون
يبجي على العراق والغيرة كاتلته
وواحد دفن يبجي ويرجف من الخوف
لكه وسط الجثث مكتوله صاحبته
وواحد شفته يصبغ مدرستنا الوان
وبس خلص صبغ داسوا على جثته
وواحد ورقه ذبوله يعوف الدار
طلع من داره بس العبرة خانكته
ودع بيتهم طابوكه طابوكه
وترك بالدار روحه وصادروا حصته
يارب حلها انته ما النه غيرك
ترة محد يحلها ياربي غيرك انته
مثل نبته احنا انشلعنه من ارض بغداد
اذا ظلت بعيد تموت هالنبته
اذا ظلت بعيد تموت هالنبته
كل واحد الي بينه احزانه ماخذته
واحد امه ماتت من حزنها عليه
والثاني الاطلاقة بعيد شامرته
وواحد انخطف وعيونه مشدودات
ومجتفين ايديه والصلية خارقته
واكو واحد سألته عن اهله وناسه
وسألته عن اخوه وكال ماشفته
وواحد هددوه ومادار الهم بال
ودزوله رصاصة ونامت بكصته
وواحد شفته يبجي وامه فرحانه
اشتميت الخبر لن امه الي مسفرته
وواحد مايدري شصار بالدنيا
سالته عالوطن كال الوطن بعته
واحد عالموبايل ينتظر رنه
بلكي يخابرونه الي خطفوا بنته
واكو واحد شايل سلاحه وابد مينام
ويدور على الي بايكين اخته
وواحد دفع فديه وماسلم منهم
وواحد مادفع زرفوله خاصرته
وشكم فنان ودكتور هاجر خايف يقتلوه
الي فلت من الجدر سموه ابو فلته
ويوميه الصبح خمسين لو عشرين
مجتوفين ,معصوبين,مقتولين
وهاي وجوههم تيزاب حاركته
وواحد متعوق قبل سنتين
اجه صاروخ يمه ومرد عائلته
وواحد شفته يمشي وبس يذب حسرات
مابقه عنده أي شي بس هدومه ساترته
واحد يبني بأيده وعشرة اليفجرون
يبجي على العراق والغيرة كاتلته
وواحد دفن يبجي ويرجف من الخوف
لكه وسط الجثث مكتوله صاحبته
وواحد شفته يصبغ مدرستنا الوان
وبس خلص صبغ داسوا على جثته
وواحد ورقه ذبوله يعوف الدار
طلع من داره بس العبرة خانكته
ودع بيتهم طابوكه طابوكه
وترك بالدار روحه وصادروا حصته
يارب حلها انته ما النه غيرك
ترة محد يحلها ياربي غيرك انته
مثل نبته احنا انشلعنه من ارض بغداد
اذا ظلت بعيد تموت هالنبته
اذا ظلت بعيد تموت هالنبته
