نحن والدنيا

[المرهفة]

حبيتج ماردت غيرج يادنياي
ومشينة بعيد تاليها هجرتيني
حسافة العمر اني الكظيت وياج
حنان وشوك بحضانج جذبتيني
عشت سنين الج يادنيا اهواج
اكلتي لحمي وعظمة رميتيني
سبحان اله الذي سواج
فتنه للبشر كافي تعذبيني
امشي وياج وطلع من البحر عطشان
من اعمالج الشينة البيها بليتيني
اذكر ايامي بيها وياج فرحان
وانتي بسرعة يادنيا نسيتيني
اذكر وكولن ها حلم جان
لكن بالحقيقة انتي خذلتيني
شدعي عليج يادنيا اضل حيران
تدمي جروح قلبي شكد جرحتيني
شجنيت وياج غير الحسرة والالام
وانتي ولاجنج يادنيا عرفتيني
استغفر الله ورجع للدرب ندمام
هجرتج يادنيا وبعدج تريديني

بقلم ابو حنان