نزوه وما جهبها احد

[فقار الكرخي]

نزوه وما جهبها احد

نزره وماجهبها أحدّ... وأكل لكليبي يمعّود
تغازلها تحاجيها ..
يصير أعليك يوم أسود
رسنها أيتيه المولد ...
معارفها نده وياقوت
كصتها شذر .. وأمطرز بليلو
كلتلهم ذهب ! .. كالولي : لاله أزود
كلتلهم ذهب ... لا ينزل ويصعد
كالولي : الوصل ! كلت : الجزر والمد
لونها أتطاوع اويايه ... لجرها وياي للمشّهد
وأورجها على أجروحي ..
واعدهن .. واحد واحد .. وتيه العد
يجرح المربعانية.. غرو ماكحلك مرود ؟!
يجرح المربعانية .. يا شاعر رثه روحه
يجرح المربعانية
الجرح متشابجه أجروحه
ياعنبر مجمن ابفوحه
ياسر القوافي المحد ايبوحه
يجرح المربعانية .. للأجيك أمحزم أبروحي
وأتلك تل الموازه
وأكلك روحي معتازه
واطك واحه وافيليك
وبالهندس .. وأضويلك
يالجمة غفل مجروح ...
الجبل ينشال عااللوحه
صدك تحجون ! ... ياشاعر رثه روحه ؟
تضحك !..تسكت !.. تحجي !
تضحك .. ضحكتك نشوه .. تطوف بكاس ابن هاني
وتفزز طيف الولايات .. صوره وصوت ..
للدنيه ..ترد ثاني
نسكت سكتتك غنوه .. ياخذه النسيم أسنين ..
ويردها لكهاوينه
خرز سبحه .. وجكاره .. وجاي سيلاني
تحجي حجايتك سلوه .. غفت بيها النكات احروز
هايابه .. هاخويه .. هايابه وها خويه !
هايابه ..
وعلى هايابه هايابه ..نكته اثنين وأثلاث ..
وأربعه.. أتدش على أكليبي ..
كبل ماتوصل أذاني ..
وتخلي الروح مشروحه
صدك تحجون ! ياشاعر رثه روحه
يجرح المربعانية .. كصر باع الجلم ..
متدوهنه الجلمه
اجيت أرثيك مامن جلمه طاعتني ..
بسل روحه الحجي أبظلمه ؟!
يدانك ناكل المنجد ..
عبر شطين عالدنيه
ورجعت وكاغدي اينوني بياض ..
وفشلته بقلمه
ولاكطان جلمة .. وفالتي اتلوحه
صدك تحجون ؟ ! ...ياشاعر رثه روحه ؟
ياجرح المربعانية .. يبو كلب الجبير ألحكته ألدنيه
يبو جلمات البريسم ..
تفل باب ألسمه بشهكه ..
ونرد عالكلب حنيه
هم شفتو ا الكمر يختل أبرديه ؟
هم شفتوا الشمس تنباك صبحيه ؟
اتخسه ياشارع الطوسي !
جم مره يمر أعليك يتمشه
ولامره التجي بحرشه ؟
ولابيك الترد نعشه ؟
بآمر منبر عزا المشراك ..
ممنوع الكمر .. يسكن ألبريه
ممنوع الكمر ..يسكن ألبريه
ودواوين الشعر صاغت الاطروحه
صدك تحجون ؟!.. ياشاعر رثه روحه




منقول

 

[شهد~]

رد: نزوه وما جهبها احد

اهلا بك بعد غياب
سلمت الذائقة راقني منقولك فاضلي

 

[قيصر الحب]

رد: نزوه وما جهبها احد

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[آهات حالمه]

رد: نزوه وما جهبها احد

بورك طرحك
شكرا ع المجهود الراقي

 

[غمزة]

رد: نزوه وما جهبها احد

كلمات بديعة
سلمت

 

[فتنةة العصر]

رد: نزوه وما جهبها احد

موضوع بقمة الروعه
عاشت الايادي المبدعة