مسودن لاتوچ النار
لمتنة أحباب بصريفة
هاك أخذ عمرين مني
بس لاتحط
اعذار ضعيفة
مكروهه ويتيمة الروح
چه لنها شريفة
أحط سافين واتشلبه اسنين
بس كون لگمتنه نظيفة
أنه للعوز ولك خاويت
وشكثر أيام وكلني رغيفه
أمشي وياك مشيت الصايود
متحذر حيل
عشگي تزيفه
شلت واهس وحطيت أخر
بس ما رهم وياك النيه العفيفة
مسودن وخلگ سكران
وأطوطح مطوطح
الريشة الخفيفة
بس بگلبي عشرة سنين
وماتهز ريح البعد
مشحوفي وتكسر مجاذيفه
چه لنك بكل مداراتي
أشوفنك فرح عمري
والشوگ وسواليفه
خايب لاتوچ النار
بينه أشواگ
ملفوفه بضمدها
ما بيهن جرح
كلهن اجروح
أعد بيهن ليلية
وانسه عددها
تذكر ،
من رچينه صدر بصدر
وإلتفات النسمات
ظنت وردها
شامة تحز بلوزتي
سچين عميه
وانه اگلك
خايب رويحتي غمدها
يا شفاف ،
يامرتاح بنهد
وخلگ شامه
لاوين الصبر وياي خلگه
وانته تمر احروفي عندك
تعگب لبعدها
ريض ،
واخذ خمس تنفاس
وانه اخذلك بروحي وسعدها
وأفرشلك بشليلي ذيچ ايامنه
ولعنة ابو الشيطان
والشمات والشامات
وبردها..
14/1/2016
العــ عقيل ـراقي
