عوفني.. مومن البچي نشفن اجفاني..
لتگلي اشتاگيت اشوفك وارجع احضنك
صح احبك چنت .. بس راح زمانك هذا زماني..
شگد حجيت وشكد چذبتلي بوعودك
وشكد صدگت بس چنت مخدوع بيك اني..
صحيح جمالك خرافة ويعجب الناس حسنك
بس اكو بعد احلى وهواي من يتمناني..
ربك خلق سبع سموات وخلق مثلي وخلق مثلك
ربك قادر يداوي گلبي وحتى لو چنت انت شرياني..
حسبالك هسه لمن تگلي انت حبيبي وانه حبيبك
هم ارجع احن وانتظرشوفتك واتاني..!!
الناس تگلي شبيك فرحان رجع محبوبك؟؟
اگلهم هذا مومحبوبي صدگوني سجاني..
مسجون بحبك چنت بس هسه طلع مسجونك
وهسه بعد ماريد احب ولا اشتاگلك ولا أعاني..
واذا كحل عيني چان بشوفة طيوفك
هسه صار فراگك كحلهن يعني رباني..
