همسات عاشق
يلطولك نخل.... يلرقتك صفصاف
يلمشك غزال وطلتك نرجس
يابوعين الصكَر ياريحة القداح
يا مذبح الروح وكردنال وقس
يلكلك ترافه من الجدم للراس
يااعذب لحن من تحجي من تهمس
معلوم البشر عدها الأصوات أنواع
مثلك ماشفت موسيقى لوتعطس
مايع جن زلال العسل مال اربيل
حسادك جثيرة وبسمك أدلس
لان كلك حلو ومجكنم وحباب
شيكولون لاتهتم كَلب غلس
مقهورين منك حيل مقهورين
خطواتك سهم بعيونهم تغرس
ممكن فد سؤال؟ وليش لومريت
احس كلبي على اضلوعي يظل يرفس؟؟
يلماكو بجمله والاطباع البيه
من حسنه ودلاله الناس خل تدرس
الهي مأمنة عندك يا باري الكون
وللمحبوب اريدك تحمي وتحرس
وتحنن كَـــليبة شوية مومليت
بجاهك يالكريم....... يحس....
يلمشك غزال وطلتك نرجس
يابوعين الصكَر ياريحة القداح
يا مذبح الروح وكردنال وقس
يلكلك ترافه من الجدم للراس
يااعذب لحن من تحجي من تهمس
معلوم البشر عدها الأصوات أنواع
مثلك ماشفت موسيقى لوتعطس
مايع جن زلال العسل مال اربيل
حسادك جثيرة وبسمك أدلس
لان كلك حلو ومجكنم وحباب
شيكولون لاتهتم كَلب غلس
مقهورين منك حيل مقهورين
خطواتك سهم بعيونهم تغرس
ممكن فد سؤال؟ وليش لومريت
احس كلبي على اضلوعي يظل يرفس؟؟
يلماكو بجمله والاطباع البيه
من حسنه ودلاله الناس خل تدرس
الهي مأمنة عندك يا باري الكون
وللمحبوب اريدك تحمي وتحرس
وتحنن كَـــليبة شوية مومليت
بجاهك يالكريم....... يحس....
*************
يااية حسنْ
يا نبعة الرحمنْ
يا ست الورد
ياغصن للريحانْ
يا روبة عرب
ياكيمر المعدانْ
يا احلى ملاك
وسنبلة ورمانْ
يا برحي الخصيب
وحلم وردي بليل
يلمظن يملَـًـك بالحياة انسانْ
محتارة الاحروف شلون توصف بيك
وتركع تعتذر منك ياعود البانْ
*******************
لان مهما أوصفه هو احلى اهواي
سبحانه الخلق من الشمس شكله
ومن سود الليالي صبغ شعرالبيه
كسوف يصير من يحرك الكذلة
بقلم سامر البصري
يااية حسنْ
يا نبعة الرحمنْ
يا ست الورد
ياغصن للريحانْ
يا روبة عرب
ياكيمر المعدانْ
يا احلى ملاك
وسنبلة ورمانْ
يا برحي الخصيب
وحلم وردي بليل
يلمظن يملَـًـك بالحياة انسانْ
محتارة الاحروف شلون توصف بيك
وتركع تعتذر منك ياعود البانْ
*******************
لان مهما أوصفه هو احلى اهواي
سبحانه الخلق من الشمس شكله
ومن سود الليالي صبغ شعرالبيه
كسوف يصير من يحرك الكذلة
بقلم سامر البصري
