هوى الخمسين، وعشكَ تالي العمر!!
رائعة الشاعر حامد گعيد الجبوري
ترهدن جوز حالي مُرخص أشمتريد
رهينَه الروح سباحَه أبجرف هالي
ظُميت أسنين وأتنطر صبر صبخه
أفوج أبماي وسبح بالعطش تالي
يهنيالك دخيلك سمي بالرحمن
ياسدر الشواطي أفيايهن عالي
يريحان السواجي عنبر ودهله
يامنگل محبه أمچودره أبالي
تنطرتك گمر وتهل عليه أبعيد
ومثل شمس الزغار أخدودها أتلالي
ياغيمة ربيع وثگلت بالماي
شربت مايهه وتجزي وتربالي
ممحله الروح ينهش بالگلب عاگول
صيهود الليالي ويرحَل أهلالي
دريض والعمر يزحف على الخمسين
وتحذر من هوه الخمسين چتالي
*****
محطاتي گضن ودبيب ليك أمشاي
ولامره أگصدتني ولا اتراوالي
جلدات الزواجل طشرتهه أصگور
لا زقَت مَلابي وتاه منوالي
يبو أعيون الوسيعه النهد شايل غيض
دصد عينك عليه ولا تظل سالي
تمنيتك تجيني أغلگ عليك العين
وشمك شمة الغايب تعنالي
أجيلك مستحي والشيب أكل بالراس
أخافن عين كل واشي أيتخطالي
نسيت العيب والفشلَه وحچي البطران
تنطرتك تجيني أتچيد عذالي
خليها أبگفاك أمعكرات البال
ياهو اللي وشالك يگعُد أگبالي
أطيح أبخاطرك وبچي أبشليلك دم
بطران الحچالك والگلب خالي
تعال أگرب حبيبي أنصفي راي أبراي
مبخوت أعتذرلك بس تعنالي
*****
بخَرت الدرب وجيت ألك حرمَل
شَدات الورد ومهيّل أليالي
أزمـَطت بيك وفضحني أمغانجك ويّاي
لاطيفك لفاني ولاتنخالي
مكدرات الليالي ماتوجها أشموع
لاشمس الله طلعت لالفه الغالي
ترافه ما شفت منك محنه أوياي
لاطيفك لفاني ولاتنخالي
مهظوم البخت حگي العتب وياك
نچلاتك أهوايه وكل عتب مالي
لايغفه الگلب لاينسه المناطر
لاضگت العنب لا ردت أ سلالي
الشكر لله العمر گضيته بس أحلام
وابحَر الشمس يتگبع خيالي
رائعة الشاعر حامد گعيد الجبوري
ترهدن جوز حالي مُرخص أشمتريد
رهينَه الروح سباحَه أبجرف هالي
ظُميت أسنين وأتنطر صبر صبخه
أفوج أبماي وسبح بالعطش تالي
يهنيالك دخيلك سمي بالرحمن
ياسدر الشواطي أفيايهن عالي
يريحان السواجي عنبر ودهله
يامنگل محبه أمچودره أبالي
تنطرتك گمر وتهل عليه أبعيد
ومثل شمس الزغار أخدودها أتلالي
ياغيمة ربيع وثگلت بالماي
شربت مايهه وتجزي وتربالي
ممحله الروح ينهش بالگلب عاگول
صيهود الليالي ويرحَل أهلالي
دريض والعمر يزحف على الخمسين
وتحذر من هوه الخمسين چتالي
*****
محطاتي گضن ودبيب ليك أمشاي
ولامره أگصدتني ولا اتراوالي
جلدات الزواجل طشرتهه أصگور
لا زقَت مَلابي وتاه منوالي
يبو أعيون الوسيعه النهد شايل غيض
دصد عينك عليه ولا تظل سالي
تمنيتك تجيني أغلگ عليك العين
وشمك شمة الغايب تعنالي
أجيلك مستحي والشيب أكل بالراس
أخافن عين كل واشي أيتخطالي
نسيت العيب والفشلَه وحچي البطران
تنطرتك تجيني أتچيد عذالي
خليها أبگفاك أمعكرات البال
ياهو اللي وشالك يگعُد أگبالي
أطيح أبخاطرك وبچي أبشليلك دم
بطران الحچالك والگلب خالي
تعال أگرب حبيبي أنصفي راي أبراي
مبخوت أعتذرلك بس تعنالي
*****
بخَرت الدرب وجيت ألك حرمَل
شَدات الورد ومهيّل أليالي
أزمـَطت بيك وفضحني أمغانجك ويّاي
لاطيفك لفاني ولاتنخالي
مكدرات الليالي ماتوجها أشموع
لاشمس الله طلعت لالفه الغالي
ترافه ما شفت منك محنه أوياي
لاطيفك لفاني ولاتنخالي
مهظوم البخت حگي العتب وياك
نچلاتك أهوايه وكل عتب مالي
لايغفه الگلب لاينسه المناطر
لاضگت العنب لا ردت أ سلالي
الشكر لله العمر گضيته بس أحلام
وابحَر الشمس يتگبع خيالي
