وتَبقَىَ آلذكَريآتَ شَيِ جَمميَلَ ،/#

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

بينت لك خافي تعدى روعة احساسي

واظهرت طيبك وبان الخافي بسكاتك

ياخي تعلم من الغلطات لو نااسي

وارحل بصمتك وزيد المشي بخطاتك

آحساسي مرهف وحسك دايما قاسي

بينت خوفي وبانت شين نياتك

وش هو على شهرين قلبي يحاتسي

وانته تحاتسي الى من شفت جياتك

راح العمر وحـالي طاح نكآآسـي

وجارت سنيني علي من قبل غلطاتك

وش هي الغرابه وانا مذبوح هوجاسي

انثر قصيدي وتخفي الجور بسكاتك

 

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

قالوا علامك صامت وقلت ياناس
كثر الكلام يقل لاجله مقامي

الصمت حكمه والحكي مصدر إفلاس
ولقيت في صمتي يزيد احترامي

الصمت له معنى وله ذوق وإحساس
مركب نجاتك في بحور الظلامي

ترى الرجل صوره من الراس للساس
ثم يتبين جوهره بالكلامي

إما نطق في كلمة ترفع الرأس
تضفي على شكله جديد الاسامي

وإلا يعود معدنه معدن نحاس
يرميه سهمه بعد ماكان رامي

لا صار عندك من ثمينات الألماس
خله بصدرك لين وقت التمامي

أخاف يطلعلك من الناس بلاس
وإلا سفيه ما يرد السلامي

الله خلق خلقه على عدة أجناس
وكلن يسوقه مذهبه للأمامي

والله خلق بالطير قمري وقرناس
ووقت الهدد ما ينغزي بالحمامي

لا جال في صدرك من الهم هوجاس
وعينك يحاربها لذيذ المنامي

ونفسك عليله والفكر صار محتاس
اترك طمان القاع وارق السنامي

عليك بالعالي ليا هب نسناس
يبري الجروح الخافيه والعظامي

وخلك لربعك دايم الدوم نبراس
وخص القريب وخص ولد العمامي

خلك لهم في داجي الليل مقباس
ولصاحب أصدق من حقوق الغمامي

ربعك ذراك ليا لحق راسك الباس
قدم لهم شربك ولو كنت ضامي

وخلك لثوب الطيب والعز لباس
واترك دروبٍ تنتهي بالحرامي

وفعل الجميل وواجب الضيف نوماس
ومن لا نفع بالضيق نفعه عدامي

بيت الكريم أبوابه بدون حراس
وبيت البخيل يعد مثل الهدامي

كلٍ بها الدنيا نصيبه بمقياس
ياخذ نصيبه لوجفوه الأنامي

 

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

يالله ياللي تفقر وتغني ابيوت
الارض بأمرك داخل الكون تسبح
ادعيك تغفر لي قبل حزة الموت
مؤمن قبل يدعيك بأسماك سبح
في هالزمن ماعاد به شي مثبوت
نمسي ولا ندري على ويش نصبح
بس الوكاد ان وجه الايام طاغوت
لا زان يوم اعرف ترى الجاي اقبح
والصدر له مده من الضيق مغموت
في داخله كن سيد الضيق طبح
ضيعت عمري افهق الموج للحوت
وانا ادري ان الحوت في الموج يسبح
اما انت ياللي تنطح الصوت في الصوت
الذيب يعوي وانت يا الكلب تنبح
ماينحني راسي واسم عبس منحوت
في قلوبنا تجارة الموت مربح
الشيخه ماهي لبس جاكيت وبشوت
وماكل رجالن على الطيب يشبح
شفني وشف ربعي رشايدتي الموت
حتى ورى السودان نصلخ ونذبح
عدونا يبشر بطعنات جالوت
من الدم يلقا الذيب والطير مسبح
وخوينا ماهي انتخابات كم صوت
هيّن لو انه خاسر سنين يربح
لا والله الا فزعت الموت للموت
ياننذبح من دون عزه يانذبح​

​

 

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

عهد خذيته بسالف الوقت وعهود
اني لاتمم صادق الوعد واوفيه

هامت بي الدنيا وانا لين العود
ودفنت جرح راح ماعدت ابغيه

وفيت معهم وجازوا الحب بصدود
ونسيتهم والجرح مانيب ناسيه

دام الغلا من صادق الود محدود
ودام الخيانه دربهم صدق مابيه

جازيتهم بالطيب وبالغدر مردود
واللي يبيع الود مانيب شاريه

راس الغلا فيني انا طلع منضود
وراس الخيانه ماكنه فيهم اثريه

حالي بسيط بجعبتي باقة ورود
واحساس هاجس ينتشي ثم يسقيه

دواك بلسم مايبي حكم وشهود
مثلك اكيد ومثلك اليوم نشريه

اهلا هلابك ياعهد ومني عهود
اني لاتم العهد بالعهد واغليه

ثارت مشاعر خافقي منك بودود
وان كنت قاصر اسمحه ثم اعفيه

رهفة خفوقك تجزي الجود بالجود
والعمر زايل اذبحه ثم احييه

 

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

البارحة جاني مـن الحـب مرسـال

..........من عقب ما بينه وبيني خصيمه



وانا ترى في الحـب مانيـب فعّـال

..........ولا بعـد ولّـع بقلبـي هشيـمـه



ولا بعد غنّيت فـي ساعـة وصـال

..........ولا بعد ذقـت الفـراق وجحيمـه



ولا جرى دمعي على الخـد همّـال

..........ولابعـد جربـت مــرّ الهزيـمـة



حتى وردنـي تالـي الليـل جـوال

..........وانا على شاهي وبسكـوت ديمـة



الرقم بايخ لكـن الصـوت قتـال

..........كنه مثل صـوت المذيعـة حليمـة



قالت مساء الخير يـا طيّـب الفـال

..........قلـت ارحبـي ترحيبـةٍ مستديمـة



بالعود والصفـري ودلـة وفنجـال

..........واجبك يا بنت الأصـول الكريمـة



ردت بضحكة ثم قالت وش الحـال؟

..........قلت اشهد إن الحال عقبك سقيمـة



قالت وهي تضحك بعد مثل الأطفال

..........وانـا بعـد كنـي بدونـك يتيمـة



من يـوم قالتهـا تزلزلـت زلـزال

..........من فجعتي كنـي مسـوي جريمـة



قلت ارفعي صوتك ترى مابه ارسال

..........كـذاب لكـنّ المصيبـة عظيمـة



قالت أقول اسمع ترى هرجنـا طـال

..........ممكـن تصاحبنـي ترانـي وسيمـة



واسمي الحقيقي أول حروفـه الـدال

..........لكـن يسمّونـي البنـات الزعيمـة



صحيح أحب الفخفخة واعشق المال

..........لكـن ترانـي طاهـرة مستقيـمـة



ما عندي امغازل ولا (لعب يهّـال)

..........ما عندي إلا في الشرف والحشيمـة



بس الصراحة قلبي لشوفتـك مـال

..........واصبحت وحدك جالسٍ في صميمه



فكّر بعقلك واترك القيـل والقـال

..........واحذر تطيع اهل العقـول العقيمـة



وارسل علي الحين خمسميـة ريـال

..........أشحن بهـا جـوال أختـي غنيمـة



أو طقم غالي فيه خاتـم وسلسـال

..........أروح بـه فـي عـرس ولاّ عزيمـة



قلت الحقيقة مانيب رجـل أعمـال

..........ولانـي بتاجـر والمـوارد عديـمـة



أنا الصراحة شبـه عطّـال بطّـال

..........وعلاقتـي بالفقـر جـداً حميـمـة



والراتب الله يرحم الحـال مـا زال

..........محـدود والمصـروف ربـي عليمـه



والدين بـالآلاف والبنـك شغّـال

..........ياكـل فلوسـي بالربـا والظليمـة



والسوق طايح والغلا ضيّـق البـال

..........والموت والله صايـر اكبـر غنيمـة



قالت تحمّل بـس والحمـل ينشـال

..........خلك شديد الباس صلـب العزيمـة



ياخي تصرّف جعلك اتصيـر نشّـال

..........أهـم شـي إن النوايـا سليـمـة



لابد تفهمني علـى كـل الأحـوال

..........ما دمت من أهل العقـول الفهيمـة



قلت إيه والله فاهم اللي على البـال

..........لكن تـرى هـذي علينـا قديمـة



يا بنت هـذا صايـر اليـوم مـوال

..........للي تبي تلعب علـى ابـن اللئيمـة



يا بنت ما تدرين كـم فيـه محتـال

..........يلعب على الحبلين وانتـي غشيمـة



يا بنت كم من جاهلة دمعها سـال

..........من عقب ما جات العواقب وخيمـة



والبنت لا اقفى عرضها بيد الأنـذال

..........والله مـا يبقـى لهـا أي قيـمـة



قالت تبي ولاّ فخلّك علـى جـال

..........مهوب ناقصـي نصايـح حكيمـة



عز الله إنك للأسف منـت رجّـال

..........وانك قليل الذوق ما فيـك شيمـة



يا لعنبو اللي مـا يسطّـرك بنعـال

..........حتـى يعلمـك الغـزل يـا بهيمـة



( تفو ) عليك وصكّت الخط في الحال

..........مدري ( تفو ) هي مدح ولاّ شتيمـة

 

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

ياكاتم العبره ليتك ماسقيت الشوف
لحظة انكسارك


ولا حكيت هـــاالســؤال وتـقــــول
هــات بالــجـــواب


لان الاجابه تعني مماتـــــي بأول
سطر لو حكيت



تدعي على مثل العجيز وتكابربكلمة
قول امين ياخصيم



وارد اسـئل هو من قلبك ياضرير
تدعي ونـا حبيبـــك



مثل الطفل بالاسف ونا بساعةغضب
روح لدنيا دواره



حبيبي واعرف اطباعك وعلى طبعك
انا عاشق ولك وافي



دلول ويامر ويتمنى اطيع ولكني عنيد
ومن طبعه تعلمت


مدام انا خلك نصير بالوعد عنوان
وبالجواب احباب بليا خصام



قول تم مدام الطلب من الروح لك ناوي
ولا تعيد الموال


خلني مدام الروح بالجســـد سـاكـن ومـدام
الضلوع لك سجين وابقى الزمك



دخيلك فيني اسمع الجواب مـدام الــسـؤال
كان بطراف الكلام



مابي يفرقنا سؤال ضايع بلا جواب خلنا
نحتار من الروح ومن الجسد



من يسكن الثاني ساعة الشوق يشكي حرقته

 

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

راحت وراحت عقبهـا راحـة البـال
يعنـي بعدهـا راحـة البـال راحـت

انا اشهد ان الشـوق و الحـب قتـال
من يوم راحت دمعـة العيـن طاحـت

لو كـان دمـع العيـن ماهـز رجـال
هذي لهـا دمـوع المحبيـن ساحـت

اقولها واضرب علـى قولـي امثـال
شوفو الظماير يابشر كيـف صاحـت

حطت خفوقـي عقبهـا ساحـة قتـال
وغزت محاديب الصـدر واستباحـت

ماعتظت فيها ياعرب لابـس الشـال
لو غيرهـا لاجـل المواصيـل ناحـت

شفت الحزن من عقبها والجفـا طـال
ودله غلاهـا داخـل الصـدر فاحـت

قولو لهـا ان دمـع المحبيـن همـال
وفي العين اشوف بروق الاحزان لاحت

راحت وراحت راحة البال فـي الحـال
في الحال يعني راحـة البـال راحـت

 

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

نسيتني علمني شلون ابـا انسـاك
في هالزمن نسيان الأحباب عـادي
^
وشلون لا مرت على البال ذكراك
وطيفك سرق مني لذيـذ الرقـادي
^
وشلون لاقالوا لي الناس وش جاك
من كنت في لذة منامـك تنـادي؟
^
وشلون اعيش اللي بقى لي بليـاك
لا من غدينا كـل واحـد بـوادي
^
لو قلت اداوي جرحي اللي تباطاك
ماكل جرح يفيد فيـه الضمـادي
^

اعلنت حبـك ليـن كلـن تمنـاك
غلطه وغيري من خطاي استفادي ^

لو لي مثل قلبك تمنيـت فرقـاك
واكيد قبلك بالجفا صـرت بـادي
^
حلوه عذاريبك وحلـوه مزايـاك
حتى بيوم فراقنـا كنـت هـادي
^
كن الليالي ودها تكسب ارضـاك
وانا يطول مـع الليالـي جهـادي
^
في ذمتي ماهي غريبـه خطايـاك
مبطي وقلبك لـو تنبهـت غـادي
^
سهله على من كان مثلك وشرواك
مثـل الثيـاب يغيـرون المبـادي
^
علمني اكره ذكرياتـك وطريـاك
وانسى من الليله صدوق الـودادي
^
ولاني بقايل عقبها وين ابا القـاك
راضي لو ان جروح قلبي جدادي
^
والا القصايد جعلها مـن فدايـاك
لبستهـا مبطـي ثيـاب الحـدادي
^
باكر على المخطي يدورن الأفلاك
ونشوف من يصعب عليه البعـادي

 

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

نامت عيونك .. وصحى الليل مضنونك أغاني
قصت جناح الثواني غيبتك .. وصارت الساعه أماني
وآه .. أنا حروفي في غيابك .. لاهي حكي ولاهي قصيد
اكتب الظلمه وأعيد .. وإنتي يالفجر البعيد
نامت عيونك

إسهر معي ليله .. حاول تحس بلوعتي ليله
عد النجوم إشكثرها .. ياللي بقلبي كثرها
ونام القمر في وسادتك .. ليتك تغير عادتك
خل القمر ليله .. يسهر معي ليله
وإنتي يالفجر البعيد ..
نامت عيونك

يا ساحر البسمه .. أساهرك نجمه
أبسمعك كلمه .. حتى ولو كلمه
قم نادني .. يالله عسى تحتاجني
إن زاد ظلمك ماعدلت .. وإن مر ليلي ماسألت
وآه .. أنا حروفي في غيابك .. لاهي حكي ولاهي قصيد
أكتب الظلمه وأعيد .. وإنتي يالفجر البعيد
نامت عيونك

 

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

قصيدة فقير

فقير وعندي المال الكثير
فقير وملبسي غالي حرير
ويا صاحبي الحافي الفقير
ابنشدك ابسألك وشهو الحصير !!
وابسألك وشلون انا امر وانهي
واذا حكيت قبل انتهي من كلمتي
يقاللي سم ويصير
ولاشكيت من غفلتي طوّل زمنها
يقاللي لاتشتكي .. ماخلقت الشكوى لأمير
وابسألك وشلون انا مع كل ذا .. اقول عن نفسي فقير ؟؟؟
ياصاحبي لاصار للضحكه ثمن
وصاروا اصحابي كثير بس بثمن
والوفاء مابه وفاء الا بثمن
ابسألك ماني فقير ؟؟؟
ولاصارت اقوالي حكم
ولاقالها غيري غدت حكيٍ قديم
ابسألك ماني فقير؟؟
ولاصرت انا مانيب انا
ولاغلطت قالوا صحيح .. وكل شي اعمله يصبح عظيم
ابسألك ياصاحبي ماني فقير؟
وياصاحبي ابنشدك لامن جفتني دنيتي
وابتدأ الدرب الطويل اللى ابد ماينتهي
وانتهي العز القديم وماكنت اظنه ينتهي
والموت بدد فرحتي .. وحطوني في قبر ٍ صغير
وحزنوا علي .. وبكوا هلي وناس من ربعي قليل
وارتاح من وجهي كثير
وبقيت وحدي في حيرتي مابه احد
لا طال عمرك ولا تحت امرك
ماغير انا وخوف ولحد وحساب قدامي عسير
وقتها ذكرت اني من زمان
يوم انه امهلني الزمان
هذا ظلمت .. هذا جرحت .. ياما كذبت
وذنوبي ماتحصي كثير
وقتها الىَ ندمت .. ونفسي كرهت
عرفت ان الله كبير وان الهلاك اصبح اكيد
واني انا مالي رجاء .. ولاهروب من الدجى
من الجحيم الا بأمل عندي وحيد
ان الله غفـّار ورحيم
ابسألك ياصاحبي عني أنا في وقتها
ماني فقير ؟؟