وجهك فلسفة اجمل شخص بالكون

[عثمان العكيدي]

وجهك فلسفة اجمل شخص بالكون
مشيتك عالقياس الخطوه محسوبه
طولك برج ايفل وانت في بـــــغداد
عفت باريس بعدك ظلمه منكوبــــه
خذت دور الحكم وانت الخصم وياي
وكضن شوطين عمري وبيدك الطوبه
وبعد ما شيبت ومات الورد واليـاس
هسه اتيقنت كل حبك اكذوــــــبه
وبعدشيرجعه عمري الخاص اوهام
الله بكل دقيقه اليقبل التوبـــــــــه
وانه سنين كلبك بس معاصي وياي
وهسه تريد تندم وتطلب التوبــــه
اقبل رجعتك بس عندي كومه شروط
اولهن تردلي سنين محسوبـــــــه
وثانيهن شبابي الهدر بين اوراق
وسهر ذيج الليالي المالهن حوبه
وثالثهن دموعي الصبن بفركـــــــاك
على كل دمعه افصلك فصل منهوبه
ورابعهن تروح تسكت الشمـــــــات
وتكلهم حيل ابه وابقى محبوبــــــه

 

[ذوق]

رد: وجهك فلسفة اجمل شخص بالكون

عُثْمآن
أجمل ما في آلذّوق هو الإنتِقآء
دآم ذوقُك الأخّاذ​

 

[حكاية روح]

رد: وجهك فلسفة اجمل شخص بالكون

شكرا لجميــل ذائقــتك .. ورقيق أحساسك
لروحك النــدى والورد

• 
  

 

[قلب شجاع]

رد: وجهك فلسفة اجمل شخص بالكون

شكرا على الجهود المبذولة

عاشت الايــــــــادي