ورطني المكياج

[الرااااكد]

يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها ياحبيبي توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي


طالعتها ثـم قلـت هالقلـب يبغيـك
ومن شاف حسنك خلى غيرك يولـي


ابغي اشوفـك دون مكيـاج يكسيـك
وابغـي اشوفـك بالجمـال المحلـي


قالت تبينـي افـرك الوجـه تفريـك
واشيل هالبـودر وروجـي وكحلـي


قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الخد كنه ياحياتي سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

ونصيحتي لكل شاب من غير تشكيك
لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي
م ن

 

[رمااد اانسان]

جهد يستحق الشكر والثناء سلمت
يداك على النقل والمجهود
أرق تحية طيبة

 

[الرااااكد]

شاكر لك مرورك
اخي الموقر
رماد إنسان
لاخلا ولاعدم

 

[ملآذ]

طرح في غايه آلروعه وآلجمال
سلمت آناملك على الانتقاء
الاكثر من رائع

 

[الرااااكد]

طرح في غايه آلروعه وآلجمال
سلمت آناملك على الانتقاء
الاكثر من رائع

كل الشكر
ملاذ على مرووك الطيب

 

[آهات حالمه]

سلمت يداك على هذا الانتقاء الفخم،
وبانتظار ذوقك الراقي دائماً.

 

[الرااااكد]

سلمت اختي
آهات حالمه
على المرور القيم
دمت بود لاخلا ولاعدم