وسع طموحك

[جنـــــــات]

وسع طموحك عوف موضـوع الحـسّين
لاتاخذ الطــف ابحيــاتك منهــج
تنخفــض مقـبوليتك ابين الـناس
ينطـفئ ضـوئك قبل مايتـوهج
شتريد تاخذ منه جنة فردوس!
لو للثواب وبالدمع تتحجـج
بس انته لا عالفايـده ايجوز تروح
ماتحــچي سرك حتى لا نتــورج
كمــلت گتــله !!
گــال: اي
گتـلـه: ويـاي
صفيــلي بالك خلي عقـلك ينضــج
كل عمري ماحطيت غايه ويه حسيـن
لا عالثــواب ولا عـالجنـة الـهج
واحد يجــذبك هذا اباعبـدالله
طوفان حب من الـزغر بــي تـنزج
حبيته چي حسيت ويا ممـلوء
مو فارغ وما بيه شـيّ من انـرج
حبيتـه من شفت اليـكرهه المنبـوذ
والـردي والما بـي نـفـع والأهـوج
غمـه اليحاول يكبر بدون حسـين
والگال ماعرفه وسكت وتحـرج
هذا المسالم حتى عنه يـگولون
بحــلامه خلو يكبر ويتــدّرج
لا، انا من تنخاني زينب ماضيع
هذا انته وامثالك اتضل تتـفرج
انا القصايد بس اگلهن عـباس
من كل حـدبٍ تـفزع ومن كل فـج
كلش اعــذرني الجاي بـي موللبـيع
وحسين گـبلك شاري هذا المنتــج
خليّ طـموحي احلامي حـدهن لهنا
وين الگه واحد شـوفته تعادل حـج
هذا الموذّر لا ادگ روحــك بـي
هذا البـساعه طيحته الــبرزخ ضـج
هذا المخليني اعشـگ اثـياب السود
وبليلـة العاشر ابـدمي اتضـرج
يعرفـني مايعرفـني يـكرم أو لا
لا ازعل ولا خاصـمه ولا أحــتج
حتى من افـزعه وما تصــير
اتعنـى وارجعله ابشــره
اعله الامر بس تفــرج
انا المبـين بالحشر من انصــاح
وينه الـلطـم والنــاح والراسه انفــج
وانته اليصيـحـونك زجـر جيبـو ذاك
الما رضـه العـدله ورضـه إيـضل اعـــوج

الكبير: إيهاب المالكي

 

[آهات حالمه]

"سلمت يداك ع الاختيار الموفق،
بانتظار جديدكِ بشوق."
محبتي والتقدير

 

[رمااد اانسان]

يسلمووو على النقل والمجهود
أرق تحية طيبة