وينك يابلد شـــــو طولت نوم....خاص بمسابقة الشعر الشعبي

[مناضل الناصر]

عله مخاد الرصيف تنام الايتـــــام
وعلى حشف النخل أقتاتت الفقره

وعلى لفحة سمــــــوم تنام الازغار
وعلى لمضة سمه هالندرس ونقره

جبنــــاهه قهر من ذيج الايـــــام
نصبر والصبر طك وخلص صبره

الف حجاج شـــــومر وذبح بيك
ولاعـــــابك ذبحهم لاشفت شره

انت المرتجي وبيك الفخر يازود
ومن ارضك يصوت خاتم العتره

يــــــاموطن علي وكل المنارات
ياموطن قيــامه وننتظر حشره

منو يدانيك ياسيد الحضارات
وعلمت الحرف للعالم بكبره

وينك يابلد شـــــو طولت نوم
ولاجنك عظيم وفارس المهره

ذبحو كل صفاتك وانت شاهين
مجروح واجــــــوك وزادو الطبره

يلله ياوطن بس همتك أويـــــاي
ندوس اعله الجرح ونجيبلك بشره

ليلك طـــــــال يمعود واجه الليل
موكلهه يتـــــامه وتنتظر فجره

ملينه الحجي يا موطن الامجاد
مو حتى القلم مل ونزع حبره

ابن ملجم فجعنه بساعة التكبير
واحنه نلوم حظنه اللازك بفكره

نازل ياوطن كلي الدرب لاوين
اليتامه تموت وانت مسلم الصره

اذا قصدك شمالك راح الله وياه
والله نموت كلنه وسالمه البصره


​

 

["شہــاه زنـــان"]

رد: وينك يابلد شـــــو طولت نوم....خاص بمسابقة الشعر الشعبي

اذا قصدك شمالك راح الله وياه
بس نموت كلنه وسالمه البصره


طيب الله انفااسك وصح لسانك
فعلأ ربي يحفظ البصرة وكل محافظات العراق الحبيب

ابداعت كل التوفيق اخي العزيز

 

[*Marwa*]

رد: وينك يابلد شـــــو طولت نوم....خاص بمسابقة الشعر الشعبي

جبنــــاهه قهر من ذيج الايـــــام
نصبر والصبر طك وخلص صبره

الله شعر جميل جدا
بالتوفيق بالمسابقة

كل الود

 

[الاميرة الانبارية]

رد: وينك يابلد شـــــو طولت نوم....خاص بمسابقة الشعر الشعبي

انت المرتجي وبيك الفخر يازود
ومن ارضك يصوت خاتم العتره

الله الله
صح لسانك
وعاشت ايدك
ربي يحفظ العراق
كله من كل شر

وبالتووفيق يارب

 

[زُمُــــرُّدة]

رد: وينك يابلد شـــــو طولت نوم....خاص بمسابقة الشعر الشعبي

يلله ياوطن بس همتك أويـــــاي
ندوس اعله الجرح ونبشر الفقره

ليلك طـــــــال يمعود واجه الليل
موكلهه يتـــــامه وتنتظر فجره

سلمت الانامل الذهبيه
لما خطته لنا من عبارات
وحروف قمه في الجمال
وروعة الاحساس الصادق
دمتِ بود ..

 

[جوري.]

رد: وينك يابلد شـــــو طولت نوم....خاص بمسابقة الشعر الشعبي

اجيت اقرا الشعر
ولكيت مناضل الشاعر
يكتب عن الاوطان
اووف ياصبر العراق
والله خلص منه صبره
ياظيم الملحه سكد تحملت همومه
وتاليها صارت ورا الناس الغبره
اكتب ياقلم ويشهد التاريخ
تموت ارواح وتبقى البصره منوره
برواح الشهيد وعطره
الاخ الشاعر .. كثيرة الاقلام حينما تكتب
وكثيرة محابر ألشعراء
لكن حين يكتب القلم الحر
تصرخ المشاعر وتثأر وترفع الرايات
لااقول صح لسانك اقول انت سيف
بالقلم يحارب
تقديري وارفع قبعه الاحترام لك

 

[فتنةة العصر]

رد: وينك يابلد شـــــو طولت نوم....خاص بمسابقة الشعر الشعبي

قصيدة وايد جميلة وروعة بالرغم من ان جيش الحزن قد احتل ثغر جمالها
امنياتي لك ايها المبدع بالتوفيق والفوز

تستاهل اجمل تقييم واعجاب ونجومي

 

[الشاعرعامرالعراقي]

رد: وينك يابلد شـــــو طولت نوم....خاص بمسابقة الشعر الشعبي

اذا راحت اربيل وراح وياها لبن اربيل
وتروح البصرة وننحرم من تمرها

السنة الجاية الصايمبن يفطرون على جبس ليز ههههههههههههههههههه

قصيدة محبكة وجميلة جدا جدا
بما تحملة من صرخة الم ومشاعر تحلم بعودة الفرحة التي لم تمر على بلدنا العزيز ذات يوم
ابدعت اخي الرائع
امنياتي لك بالفوز

 

[سعد العراقي راقي]

رد: وينك يابلد شـــــو طولت نوم....خاص بمسابقة الشعر الشعبي

اقف احتراما لحرفك البهي
سلمت وسلم قلمك
بالتوفيق ان شاء الله
شكرا لك

 

[▪ بعثرة حنين ▪]

رد: وينك يابلد شـــــو طولت نوم....خاص بمسابقة الشعر الشعبي

رائع بكل ماتحمله الكلمه
ابدعت استاذي المناضل
في ثورة قلمك البتار
تحيتي لهذا الابداع

دمت مميزا


كل التوفيق