مره جتفك ، مره انه
مدري شلون من شفتك
تيهت
تعال طش كلك عله كلي
ونلم وسفات الليل بحرورة نفس
وخلي الشهگات تعله عله الغيم
وتبخرنه ونطيح نسمات
فوگ اخدود الورد
دورني بين رصعات اخديدك
وهنا عله طاري النهر
سيسني گصبه
هلبت ياخذني روج الشوگ
والتلملم انه وياك بگفة
لو حصيره
ونقشة حنه عله جتفك
جَن فراشة متيهه النيران
وشبت فوك شفتك الف
قصة نهر..
واشكثر اشتهتك المرايه
وتغار منك وتحجي بسكوت
بحلاتك..
16/08/2019
العـ عقيل ـراقي
