ياعقرب الساعه

[الرااااكد]

ياشوق قلب ٍ حدّه الشوق وإلْتاع ,,,
______________________ ومن قبل أعرْفك... ما لأبو الشوق داعي
ان جيت لي شبر ٍ .. تعنيت لك باع ,,,
______________________و ان رحت جيتك حافي الرجل ساعي
طمّاع..؟ يعني تقدر اتقول طمّاع ..
______________________ طمّاع من شفتك.. ومات اقتناعي
سقت الخطاوي مع خطاويك منصاع ,,,
______________________ و حملت نفسي فوق قدْر استطاعي
مدّيت كفي طيب.. يا ذرب الأطباع ,,,
______________________ و مدّيت كفك لجل تلوي ذراعي..؟!
يعني عشان اعيونك السود الوساع..؟! ,,,
______________________ولا عشان امحبتي واندفاعي..؟؟
ياعقرب الساعه متى صرت لسّاع..
______________________ إسمومك أقسى من سموم الأفاعي
ساعة وداع,, ولعنبوا جدّ الوداع ,,,
______________________عانقت حزني حين قال : الوداعي
قفّى..... وأناظر خطوته تطوي القاع ,,,
______________________ ويا كـلّ ما يبعد يزيـد إلتيـاعـي
ياصاحبي.. وش فادك العمر لى ضاع..؟ ,,,
______________________تعال قلّي.. وش يفيدك ضياعي..؟
غرّك بأنك ساكن ٍ بين لضلاع..؟! ,,,
______________________و غرّك طريق ٍ فيه قلة متاعي..؟
غرّك زمان ٍ فيه تآمر وتنطاع..؟! ,,,
______________________ يعني أحبك.. قلت تغسل شراعي..؟!
ضاقت بي الدنيه الى حدّ الإشباع ,,,
______________________يوم ٍ تساوت جيّتي وانقطاعي
و دام الغلا في يوم يشرى وينباع ,,,
______________________طبّ الأماني ماتفيد المساعي
لبيه ياشوق ٍ لقى الدمع فزّاااع ,,,
______________________و لاهنت يادمع ٍ يجود و يراعي
ياقلب بسّك تشكي اهموم.. و أوجاع ,,,
______________________و إسمع كلامي.. لو تحب إستماعي..؟
إغنم زمانك وإستغله.. اذا طاع ,,,
ــــــــــــــــــــــــــــــــــــــــــــــــــ ـــــــ و جامل زمان ٍ ما تجمّل وطاعي
م ن

 

[العذبة~]

إنتقاء ثري بالذائقه
سلمت ودام رقي ذوقك
بإنتظار القادم بشوق
كل الود لروحك

 

[الرااااكد]

انرتي العذبه
ششاكر لك مروررك
دمتم بخيرر