ياغيم

[ترانيم]

يا غيم وش ودّك وأنا اقول لبيه
آمر ولكن لا تجي حول فرقا

يا غيم وش حدّك لكثرالمشاريه
وبلك يبي ينزل ولا أشوف برقا

يا غيم وين اللي يبيني وأنا ابيه
العين ساكنها وهي منْه غرقا

هاك الغمام وفيه ذكره وطاريه
بالليل حوّل لي وبالفجر يرقا

صوته يسليني إذا قال يا هيه
وإلى نطق يا ريم لبيّت شرقا

كنّه يخيّل لي قريّب واحاكيه
أبكيه لا ناحت على القاف ورقا

يا غيم ما بعته ولاني بناسيه
لو دام بالغربي أنا يمّ شرقا

لكن أيامي و وقته وماضيه
خلّت طعون الصد بالحيل زرقا

يا غيم رح قل له وداعي ويكفيه
والبرد دفّيته من ضلوع حرقا

خلّك معي يا غيم والصمت أشريه
ما فاد نظم الآه من كل طرقا

يا غيم خذني عنه ما عاد لي فيه

نويت ذبح القلب والروح شرقا
راق لي

 

[آهات حالمه]

إنتقاء ثري بالذائقه
سلمتي ودام رقي ذوقك
بإنتظار القادم بشوق
كل الود لروحك