ياوطن ياغربة البيبان من تفگد أهلها

[آهات حالمه]

ياوطن
ياغربة البيبان من تفگد أهلها
فرعت بيك الشمس
وانت اعله طولك عاينلها
وشوف چم خصلة انتختك تظفرلها
يلا كلها ..
تفز ضوه بگيعانك وتزگينه شوف
كافي خوف ،
كثر مابعيونه تلج المناير
غوشت حتى الجفوف
أشچم ضريح انصاغ جذبة
والشعب لسه يطوف
ياوطن ياشوغة أمي
تمزگت بحلامنه أسراب الطيوف
كون تتعده العطش خطوة وتشوف
أشچم نهر مگيود گوه اعله الجروف
كافي خوف ،
فزز الليل الخذاك بلايه شوف
وطيح نجمة
طيح فوگ أنفاسنا لاياخذك دخانهم
وتضيع نسمة
ياوطن تدري التراب الغافي بحضان الشوارع
ماله جلمة
والرصاص الشاف شعبك باجر من اطيح يعمى
باجر التاريخ ينزل للشوارع يمسح اسمه
ويصعد لسابع سمه بينه ويصيح
حسين موحسبة مسافة ولاضريح
حسين صوتك من تصيح
يلا صيح ولايهمك
ولعن ارباب الأحزاب
الطوخت تيجانها بدم الضحاية
ومسحت أسمك
لاتسد أحلوگنه بتاريخ باجر
فتشت شبانه وجف الدمع
ماضلت تهمنه المنابر
بعد ماضل بدرب خطوة شتناطر
احنه من نزگيك دم نريدك تخضر گناطر
هذه دمك ياوطن
لاتغسل الدم اليطيح اعله السواتر
أمسح اخطوط القداسة من المحابر
خل نعيش بلايه لون
وخل نموت لخاطرك بس لانهون .






حسن قاسم ​

 

[وارفة الظلال]

رد: ياوطن ياغربة البيبان من تفگد أهلها

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[آهات حالمه]

رد: ياوطن ياغربة البيبان من تفگد أهلها

شكرا للمرور الجميل
مودتي

​

 

[غمزة]

رد: ياوطن ياغربة البيبان من تفگد أهلها

اسطر بديعة
سلمت القلم وطاب الخاطر
تحياتي والتقدير

 

[آهات حالمه]

رد: ياوطن ياغربة البيبان من تفگد أهلها

شكرا للمرور البهي
محبتي والتقدير

​

​

​

 

[جوري.]

رد: ياوطن ياغربة البيبان من تفگد أهلها

[frame="4 80"]

​

موضوع تفوح منه عطور الجوري


باقات الجوري


تعطر روحك الطيبه


وأجمل الأمنيات لقلبك النابض

​

[/frame]​

 

[قيصر الحب]

رد: ياوطن ياغربة البيبان من تفگد أهلها

دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

 

[آهات حالمه]

رد: ياوطن ياغربة البيبان من تفگد أهلها

شكرا للمرور الجميل
مودتي والاحترام

​