يا اول عشگ..

[العـ عقيل ـراقي]

عن لسان فتاة عاشقة..​

يا أول من رمش جفنه عله جيدي
ويا شهكة ونس فرفحت عله ايدي

متانيك واليتاني زلال بروحه المناطر
اطش عنبر أسنينك بصفنات بريدي

وشما طارش منك لفاني كلي أهتز
وحضرلك گبة نوم وألبسلك جديدي

أكحلهن مدمعات وحارگهن سهر
وأهيسك نفس بريتي ودم بوريدي

طلگتهن حيل كلش حچيات أمس
ولملمت إرماد هجرك وصرت عيدي

شورچك وانته أدرى وتندل الشامات
وحدة برصعة نحر وحدة أبخديدي

رد مثل وكاحة أمس نتلملم سوا
ونطش شوباش وأكسر بك حديدي

اشكثر همت بيك ولوعني الليالي
وادريبك فرح وترسمني بگصيدي

يمفتاح الواهس بدنياي وگوشر الحنيه
وبطيوفك الحلوات تهد زنجيل گيدي

أريدك گبل ما توصل الانفاس لريتي
واحسك تمشي برهدنه وتظل رشيدي


19/11/2018
العـ عقيل ـراقي

 

[غزل..ᥫ᭡]

رد: يا اول عشگ..

~
الله جميل جداً ~
تسلم ودام قلمك الرائعَ ~

 

[العـ عقيل ـراقي]

رد: يا اول عشگ..

غزل...

شكرا لعطرك هنا
انرتي
كل الاماني
عقيل العراقي

 

[الهادئة]

رد: يا اول عشگ..

كلمات جميلة
مبدع

 

[العـ عقيل ـراقي]

رد: يا اول عشگ..

الهادئة..

شكرا لرقتك وحضورك
كل الاماني مع الود
عقيل العراقي

 

[مهند العراقي ..]

رد: يا اول عشگ..

كلمات في غايت الروعه
عاشت الايادي المبدعه

 

[صوُتْ آنثوّيْ]

رد: يا اول عشگ..

ماشاء الله
والله العظيم ابداع
شكرآ

 

[العـ عقيل ـراقي]

رد: يا اول عشگ..

شكرا لكم احبابي
لروعتكم
وطيب قلبكم
كل الاماني
عقيل العراقي

 

[قيصر الحب]

رد: يا اول عشگ..

كالعادة ابداع رائع
وطرح يستحق المتابعة
شكراً لك
بانتظار الجديد القادم دمت بكل خير

 

[العـ عقيل ـراقي]

رد: يا اول عشگ..

شكرا لحضورك
وطيب تفاعلك
تحياتي مع الود
عقيل العراقي