- ري العمر مشوار تكضي أيامه
وتعدي ولو أدري الوكت دولاب
ياخذ بينه ويودي چا ولا خنت ودي
ولاخليت دمعي يسيل تيزاب
وحرك خدي مو انته
الكلت أعوفك واخلف بوعدي
أشو نص الدرب يفلان
وتبريت من عندي
لحيمي ودج عليه الريش
وجناحك كوه بجبدي
كل هذا التعب والطيب ضيعته
وصرت ضدي صدك ينسى
الفكر والضيم من يستغنى
لمجدي بعد وردة شبابي تفوح
ما طاحت بمرض معدي
بعد حملي عدل
ما مال ليش تعوفني لوحدي
تدريني خشب وبنار بفركاك
رماد وابدي كل جرح يألم يطيب
بس جرحك جرح يضل يعدي
بعد شتريد من عندي شضحيلك
بعد شفيد ولو أدري النهاية بهاي
ما جنت بهواك أبدي
شفتك بالحلم فزيت أدور عليك
نسيت انة صحيت وبالحلم عفتك
اعاين بالوجوه وانت ما موجود
ما معقولة يمي وإني ما شفتك
شلتك بالكلب يوم الجنت موجود
ودمعة بالجفن يوم الرحت شلتك
ما ردتك دمع وتساير الخدين
انة عون وذخر بالدنيا الي ردتك
وحشة البيت بعدك ارجع أترجاك
وحشني بيك كولشي حتى سالفتك
ولو ادري جيتك جيت مودعين
جنت ع الأقل هميت جنت ودعتك
