يجي يوم اصعد افشر

[آهات حالمه]

اتلوه بعيني الدمع
و الليش چفه و چفه بجفوني و اكابر ...
يجي يوم
اخذ ملامح وجهي اهدن عل فرح ...
يجي يوم
و بيدي اطلع گلبي من صدري
و اراويكم
اشچم مره انجرح ...
يجي يوم
و اشتري البدله الذي بيها اموت
و ما اگل لحد جديده ...
يجي يوم اصعد افشر
بدل ما اقره قصيده
احنه كلنه الفرح هددنه و سكتنه
احنه كلنه الحزن برطلنه و سكتنه
انا بيه اهواي ، ما اعجب الوادم
انا مگلوبه خلقتي ...
مثلاً
مرات احب البير يطفح للدلو
مثلاً
مرات ما احب النعي بصوت الحلو
مثلاً
ودي التقي بفنان مايعرف الصايح
مثلاً
مرات احط ایدی عله حلگ الباب
لحد يدري رايح
امنياتي طفل بس انا اشوفه ...
اشما اريد بحضني اشيله
يركض الحضن المشوفه
اگلوب بمغيسل حياتي
و ينطر عليه الضباب ...
انا ادورلي گبر مايرهم يخلوله باب






موعود قاسم الرشيدي

 

[الرااااكد]

آهات حالمه
نقل جميل
سسلمت الايادي
لاخلا ولاعدم

 

[آهات حالمه]

شكرا للمرور البهي الذي عطر المكان
ارق التحايا