يسلطن عليه الناي لو سولفت'

[آهات حالمه]

يسلطن عليه الناي لو سولفت'
ويگلي انته منين من ياگصب'
بيّ شوگ برحيه عله فرود گبل'
مشتاگلك من العرگ للگلب'
استاهدك گتلي تمر مشتهي'
ونخله حسب حچيك كياني انگلب'
چا من زمان بناركم محترگ'
خو من الاول گلي رايد حطب'
مامش حجر عثگي هوه مگاطفك'
صخره اشتهه من ايدك يضوگ الرطب'
يحطبوني خير من الله اجو ماخفت'
العاين على الجمار شوكه انضرب'
بس لو حچه بطاريك شوي هوا '
من الخوف ادنگ واركض اعله الكرب'
ميت واتاني يهزني چف مريمك'
وسير عليه بفاس هزني حطب'
بچاني كل دمعه بثگل معجزه'
تحني الصليب الفوگه عيسى انصلب'
بعنادك اتماديت يبن العجم'
ماسامع باابن العرب لوغضب'
دجله وفرات اطبگهن بحاجبي'
واچفي اعله خلگك طين شط العرب'
احمد المطوري

 

[رمااد اانسان]

اختيار موفق يستحق الشكر والثناء سلمت يداك على النقل والمجهود أرق تحية طيبة