يــ الـفـاركتني شـلـون تنجاب

[mohammed.shams]

يــ الـفـاركتني شـلـون تنجاب
گالولي جيت وشطت للـ باب
اركــض ثجيلـه محملة عتاب
وعـيونـي كتـن مـاي وتــراب


من انچفيت بـيه المشاحيف
شالتنـي اطــروگ النـفـانيف
ارد اشبـگ العافونـي ابطيف
مـابيـه اونــن گلبـي انحـيـف


هـسه انـا وينـي ويــن الوداع
وشلـي بـطلاع الـروح كلسـاع
مـاضـنه گلبـي بسوگ يـنبـاع
مـتلـف حـزن مـتلف اوجـــاع


متوشلـه روحي بكضـة البوب
ساعة رملّ محطوطه مگلّـوب
الليل شــال أســود يمحبـوب
لبسته شمسـي وبان الغروب

يـ الماتجي كلساع احس جاي
اعزف بعودي وينسمع نــــاي
بهـداي اگلّب الـصـور بـهداي
مـن نـار گلبـي ايــوجر الماي


يتـلاگــن ابـگلّبـي الـتـوابيت
وادم نستنـي وإلـــهـا حنيت
آيــا غربتـي التارســـة البيت
ريحـة دمـع بهـدومي شميت


يـاروح لـــو يـردونـــچ انطيـچ
مـابيـه انگلـچ واسـتهم بـيــچ
مــاريـــد ضـيم البيـه يـاذيـج
امـدلغـمه بــوجهي الشبابيچ


يغبش علـيـه من الصبح ليل
زوهــر الـروح وهـــزل الحيـل
حــزني خـضــر ويشابه الهيل
مـابيـه اســولف والدمع سيل










موعود_الرشيدي

 

[mohammed.shams]

يــ الـفـاركتني شـلـون تنجاب​

 

[قيصر الحب]

دااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[mohammed.shams]

يسعدني ويشرفني مروووووورك العطر
لك مني اجمل باقات الشكر والتقدير

 

[mohammed.shams]

يسعدني ويشرفني مروووووورك العطر
لك مني اجمل باقات الشكر والتقدير