يله كل عضوو ينزل ومضه .ع ذوقه

[رافد البغدادي]

رد: يله كل عضوو ينزل ومضه .ع ذوقه

حجيت هواي وي روحي وحاجيت
كلت حاجب علي شخصه فحجبيت
لون اعرف خصالك جان حجـّيت
لبيت الله اروح وكلي نيـّه.

# هم الان ع البداهه
ههه

 

[▪ بعثرة حنين ▪]

رد: يله كل عضوو ينزل ومضه .ع ذوقه

لا تفزز صفنتي بجدحة ضمير .
بينك وبيني عطش جوري ومسافة
بينك وبيني أويلي ويا حسافة
بينك وبيني جرح دمه حرير .

 

[▪ بعثرة حنين ▪]

رد: يله كل عضوو ينزل ومضه .ع ذوقه

لاتحتار
كلنه اعله الوكت خطار
ياكلبي وتظل متعوب
لامرسه ، ولا معبار
تگظيهه بفرح لو ظيم
تخلص والعمر مشوار

 

[رافد البغدادي]

رد: يله كل عضوو ينزل ومضه .ع ذوقه

شكثر حلوه السوالف من طرينه .....1
او لون يدريي اعله بابه انطرينه.....2
عجيب شكثر يمدحنه وطرينه.......3
لجن عند الصدك يخفي عليه


#كل الومضات هناا بقلمي



.

.

________

1- عندما نتحدث بسرته ( طاريه )
2- من الانتظار
3-( طرانه . من المدح والاطراء)

 

[madness man]

رد: يله كل عضوو ينزل ومضه .ع ذوقه

تانيني
واذا مالچ خلگ روحي
انه المرتاح چي متعوب
انه الما حاسب جروحي
انه اليحسد الوادم من يشوفونچ
انه البيه نقص بس وين ؟.. بعيونچ
تهت مثل الرسم لوحه ونسه الوانه
الراحت روحه وي انسان
مايحتاج
ينطي لغيره عنوانه

 

[▪ بعثرة حنين ▪]

رد: يله كل عضوو ينزل ومضه .ع ذوقه

اتريدني احجي الصدك
ومااضم عليك احجي
نوبات أكرهك صدك
ونوبات أحبك صدك
صدكني والمشكلة .. بآثنينهن ابجي

 

[madness man]

رد: يله كل عضوو ينزل ومضه .ع ذوقه

مدري ليش ؟!!
الناس تعتگ
ومدري ليش !؟
الوادم الماعدهه راي
تزعل من احچاية الحگ
ومدري ليش؟!
الچان اليه وشاف غيري
شال چفه وحيل صفگ
غير كون يطيب جرحي ؟
وحتى اراويكم صوركم"
ياهو منهن راح تنشگ؟

 

[▪ بعثرة حنين ▪]

رد: يله كل عضوو ينزل ومضه .ع ذوقه

شبعد بينه
مشينه لكل نذر حافين
وشبعنه الله كريم
وما تلاكينه.

 

[madness man]

رد: يله كل عضوو ينزل ومضه .ع ذوقه

حيل وياي

اناس اهواي

اشوفنهم ورد

واندار

والكاهم مناجل

تحصد بروحي

 

[رافد البغدادي]

رد: يله كل عضوو ينزل ومضه .ع ذوقه

عطش يجري بشراييني
أوعبالي انت المطر
يافرحة سنيني ...

يا غيمة فرح ماشافت اليمشون
ولا حطت حملها أباب تشريني

انه الماشي .. ادورك وين
وانته الساكن بعيني .

# وليدة اللحظه