گنالك ترد

[سيد الكلمات]

گنالك ترد
گتلنه ماارجع
بايع واليبيع
بأي ثمن يقنع

مو صعبه
اليريد يروح
خله يروح
بس صعبه
التگله اگعد ومايهجع

حچينه هواي يمك
بالحچي الكواك
ماعندك خلگ
لا كل اذن تسمع

لاتحسب انطرك
روح الله وياك
لاتحسب ارد
واتناك واتربع

چلمه وبيها اودعك
واقفل التاريخ
غرزته الحليب
الچان الك مرضع

مامش كل خبز
ظل هافت التنور
ونار الشوگ هفتت
مابقت تلسع

المن انتظر جيتك
بلايه احساس
مات احساسي بيك
ونشفت التدمع

بعد لا مااحبك
لا احب ملگاك
لا ريدك تجي
لا صوت الك اسمع

خليني
بدونك عايش ومرتاح
احسن مااظل ابگربك اتلوع

اخر مااگلك
والكلام هواي
قصه اختمها الك
بس الرجا تسمع

چويته الگلب
عن لايحن فد يوم
ومذبوح الأمل
بالذكرى لاتطمع

حرگت بنار هجرك
ذكرياتي وياك
صار ارماد حبنه
ومات كل منبع

انا المچتول بيدك
مااريد فصول
ماظن شي يسد
لو صارت مربع

ميت وبگبر
لو تحچي مامش روح
ياروح الترد
والمات مايرجع

علي تكليف الصگبان

مشاهدة المرفق 30097

 

[اناستازيا]

جميل عاشت ايدك

 

[قيصر الحب]

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي