گوشر مناطر..

[العـ عقيل ـراقي]

مشاهدة المرفق 148513

ها...
نسيت أگلك
طفيت الشبابيچ
وتختلت الشميسة
ورا الحچايات
ولميت كل سوالفنه
الچانت دافيه
وبگوشر المناطر
هناك حدر المسنايات
گالولي عاف لياليك
وظل يسهر وي الدمع
كسرت ظن الليالي
و وأگفت..
وما نخت للچمات
گال آنه حلو اسمع
احجيلي..
حجيت وي البحر
وراحن وي الروجات
شحجيلك وانت واهسي
والعشگ المريود كلش
وانه يلمدندش فرح
ومطرز نقش شامات
اذكرهن وحساب ايد
الك احسبهن واندلهن
تذكر من تنيتك صبر
واتبده حدر چفنك
گمر ومات
والاخضر شد
بروحي بساتين
ومكامش
وي طيفك لو فات
حتى شجرتكم
والماي مرشوش
يلطبعك طبع اسمك
وردات...


27/11/2024
العـ عقيل ـراقي

 

[mohammed.shams]

شكرا للجهود المبذولة

 

[mohammed.shams]

شكرا للجهود المبذولة

 

[العـ عقيل ـراقي]

شكرا لحضورك عزيزي
امنياتي

 

[أميرة البنفسج]

هل تسمح بمشاركة ما تكتب مع ناقدة أدبية لتحليلها ؟
ارسلت اليك تحليل لهذه الخاطرة وطلبتُ الاذن منك ولم تجبني .

 

[العـ عقيل ـراقي]

هل تسمح بمشاركة ما تكتب مع ناقدة أدبية لتحليلها ؟
ارسلت اليك تحليل لهذه الخاطرة وطلبتُ الاذن منك ولم تجبني .

اسف الك عزيزتي
الك مطلق الحرية
كوني بسلام