شنو يعني تأكسد البشرة؟ وليش بعض الناس بشرتهم تتعب بسرعة؟تأكسد البشرة هو حالة تصير بسبب تضرر خلايا الجلد من الجذور الحرة.
الجذور الحرة تتكوّن نتيجة تفاعل الجلد ويّا:
أشعة الشمس
التلوث والغبار
التدخين
الضغط النفسي
الالتهابات المتكررةهذي العوامل تسوي تفاعل داخل الجلد بين الأوكسجين والعوامل البيئية، والنتيجة تكون:
• زيادة الشوارد الحرة داخل الخلايا
• تنشيط الخلايا الصبغية (الميلانين يشتغل أكثر)
• تكسير ألياف الكولاجين
• ضعف بالحاجز الجلدي
ولهذا نشوف البشرة:
باهتة
مرهقة
لونها مو ثابت
تغمّق بسرعة حتى من أقل شمس أو هواء
أي تفتيح يعطي نتيجة بسيطة وترجع تروحأكو ناس تلاحظ إنو:
الاسمرار يرجع أسرع من التفتيح البشرة تتحسس بسرعة حتى ويّا الترطيب تبين تعبانة لونها يطفي فجأة بدون سبب واضح
شنو يخلي التأكسد يصير أسرع؟• التعرض للشمس بدون واقي
• التقشير العشوائي والمستمر
• استخدام خلطات قوية فوق بعضها
• ضعف الحاجز الجلدي
• نقص مضادات الأكسدة بالغذاء
• وجود حبوب أو تحسس متكرر
من تتكرر هالأشياء، الجلد يدخل بدائرة إجهاد مستمر، ويصير اللون غير مستقر.
شلون نكافح تأكسد البشرة؟
مضادات الأكسدةالمواد اللي تساعد تقلل تأثير الجذور الحرة مثل:
• فيتامين C
• فيتامين E
• الريتينول
واقي الشمسضروري جداً يومياً، لأن الشمس هي المحرك الأساسي للتأكسد.
تنظيف لطيف + ترطيب يوميالغسل القاسي يزيد المشكلة، والجلد يحتاج دعم حتى يبقى متوازن.
تغذية صحيةالإكثار من الفواكه
والخضرة 
لأنها غنية بمضادات الأكسدة الطبيعية.
الابتعاد عن التدخين والتلوث قدر الإمكانلأنها تسرّع شيخوخة الجلد وتزيد الأكسدة.
الخلاصة:مو كل اسمرار يحتاج تفتيح قوي.
بعض أنواع الاسمرار سببها إجهاد وأكسدة، وهنا الحل يكون حماية وتقوية قبل أي محاولة تفتيح.
