أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

الملوك احنه الكبار احنه والابطال
وانتو ازغار وانظمكم بالابطال
أخذنه الكاس والدوري والابطال
وحمسناكم بستة عدال مية

 

[mohammed.shams]

أصفن بيك من ظيمي وسه لن
اصعاب البيك ماذلن وسهلا
تگلي بالوجه أهلا وسهلا
واحسك بالظهر سچين بيه

 

[mohammed.shams]

وحگ العين ثم اللام واليا
عليك انشد من اللي راح واليا
ولاني هالزمان شلون ولية
واخذ مني العزيز وخان بية

 

[mohammed.shams]

تعجب حته بعيوبك ولولاك
ويبخته اللي لزم مهدك ولولاك
بوجودك دنيتي حلوة ولولاك
وحشة وخالية من الفرح هيه

 

[mohammed.shams]

أهلك من حلات البيك ميتين
ومي مشمش خدودك مرة مي تين
اليبوسك صعد سكره 200
واذا آنه ارد ابوسك 900

 

[mohammed.shams]

من شفتك رجف گلبي واختلك
وبين اعيوني اظمنك واختلك
كون ايصير أخ ليه واخت لك
وگصة بگصة ونحل القضية

 

[mohammed.shams]

الورانه ايظل ورانه مايعدنه
وخسر كلمن بصحبة مايعدنه
الچان الخبز عده ماي عدنه
باچر يغص من يطي اميه

 

[mohammed.shams]

مبلل مايهمني المطر من صاب
وميت مايهمني السهم من صاب
هدف وبساحة الميدان منصاب
ثابت يالتريد الطعن بية

 

[mohammed.shams]

وحگ الريت والياريت والليت
مفرع واندعي من يوم وليت
يوالي من علي بجفاك وليت
وبعد عينك منو العينه علية

 

[mohammed.shams]

حبيبي اجروح الك بالروح حالن
وامس چنت احسن من اليوم حالا
أريدك تنتخيلي وتجي حالا
باچر وين ماتلحگ عليه