أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

عليكم من سلام الله ورحمة
وحن اعله الگلب مرة وارحمه
إذا رايد أجر إنته ورحمة
تعال انطيني بوسة وحن عليه

 

[mohammed.shams]

طحتلي بناس عگبك فطراني
ونهر يابس وهجرك فطراني
صوتك وآنه صايم فطراني
منشوفن صورتك شيصير بيه
==============

 

[mohammed.shams]

بإلاهك أرد احلفنه وإلاهي
صدگ يفلان ناسيني ولاهي
لاهو الموت اخذ روحي ولاهي
تشوف احبابها وترتاح هيه

 

[mohammed.shams]

شكثر ضحالك گليبي وفالاك
وتبعتك خيط تتخلبص وفلاك
شسوي شصك بحلگي وفالاك
بظهري وشبچتك طبگت عليه

 

[mohammed.shams]

أريد اسأل اعيوني شلون شفتن
جماله ولمن تبسمت شفتين
كون الزملي واجب حرس شفتين
هم احميه وهم نگعد سويه

 

[mohammed.shams]

على گلبي حمامة شوگـ حلت
وزهت دنياني والأيام حلت
أنه اترجاك يااستاد حلت
غلط لو صح متسوه انطيها مية

 

[mohammed.shams]

صب دمعي على الوجنات ياهل
وماتدرون بية اشصار ياهل
صرت عصفور چني بيد ياهل
أهو يلعب وآنه اشلون بيه

 

[mohammed.shams]

شهر سيفه الدهر ضدي وسله
نساني وراح وي غيري وسله
عنب ماحصلت منه وسلة
طلع ذيب وكتلني اربات اديه

 

[mohammed.shams]

حبك من شفاف الگلب عت باي
ولانوبة اذكرتنه واصلت عتباي
أعتب مانفع وياك عتباي
على ياهي اگطعت وصلك عليه

 

[mohammed.shams]

گلبي مافرح عگبك ولاسار
وجدمي ماخطه لغيرك ولاسار
أخبرك مابگت چلمة ولاسر
فضحني الدمع من غصبن عليه