أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

يحلوة الزعل طول صاحبينه
بهجرچ عظم ماظل صاحي بينه
چنه برضه وچانت صحة بينه
زعلتي وزعلت الصحة عليه

 

[mohammed.shams]

شتظن تلحگ علية الأوف لالا
بليل اوداع خدة اشتعل لالا
أگله ارجع يگلي انتهت لالا
لقد تم البعد غصبن عليه

 

[mohammed.shams]

الزمان اشكال لابن آدم يراوي
واخذ مني قصص واكتب يرواي
أنه الربيتهم طلعوا يراوي
اكبروا وتعلمو عضات بية

 

[mohammed.shams]

مجرد شك اشكن هاشكشبيك
تكش بوجهي لكن هاشكشبيك
أشگ حلگه اليغثك ها شكو شبيك
واذا اغثك أشگ حلگي بديه

 

[mohammed.shams]

أرى جرح العشگ يكبر وارى الدم
دخت بيك وگمت أدعم واردم
مو للدوم احبنك وره الدوم
واگول مقصر وحقك عليه

 

[mohammed.shams]

عيوني غوشن ماشوف قفلن
وبس اعليك گلبي انقفل قفلآ
تريد اتروح قف لتروح قف لن
شگل للناس قد راح من اديه

 

[mohammed.shams]

وحگ ارموشك الحلوة وعينك
أنه بالشدة أوگفلك وعينك
لون بيدي لنصبنك وعينك
ملك تحكم على كل البرية

 

[mohammed.shams]

باد الحيل واتعس بيده هاية
وطلع ماكر حبيبي بي دهاية
سالمني وشبگني بيده هاية
وبيده الثانية يأشر عليه
==============

 

[mohammed.shams]

إجيت تگلي خل نرجع بعدما
حكمت اعله العشگ كله بعدما
بعد ماصدگ بحچيك بعد ما
بعدما تگدر اتقشمر عليه

 

[mohammed.shams]

المثلك كون يعرف قدر نفسه
وكون النافسك بالخير نفسه
بلال الشال صخرة انگطع نفسه
وانه الممنون اشيلنك بديه