أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

مجبل على القبله
من رحت لليوم
وابصفي الجفن والسدر والكافور
هًٍُْــnOwسِـُّٰة الوكت جابككككككككك
وٍْآلــلــه لو ماجاي ..
المن جاي مو حتى الكبر ..محفور..

 

[mohammed.shams]

ياريحان..........

أشكد نده.....
نكط على الضلع
ونسيت أكلك يمته
أشكد رازقي ونيمته
وأشكثر هجرك عاشر
ليالي الهوى وما لمته
إنت سحنت الليل
بكليبي
وكلش موش أنت

القديس

 

[mohammed.shams]

مو حزن لكن حزين
مثل ما تنكطع جوه المطر شدة ياسمين
انه كتلك مو حزن لكن حزين
مثل صندوك العرس ينباع
خردة عشك من تمضي السنين
انه كتلك مو حزن لكن حزين
مثل بلبل كعد متاخر
لكه البستان كله بلايه تين
مو حزن.....لامو حزن
لكن احبك من جنت يا اسمر جنين

القديس

 

[mohammed.shams]

لَوّن كل الگصب غَنه بحنيني لشوفتك يا اسمر
يسل الگصب سل أصفر
واظن الماي يتمرمر
واظن حتة النجم يطفة زراگه ولا بعد يسهر
واظن اكثر

#القديس

 

[mohammed.shams]

وتغمض عيونك
وين راحو ؟
يعني حلفو ما يجون !!


#القديس

 

[mohammed.shams]

منو گال الزعل والبعد #ميفيـد
اصلا بيه فوائد واحنه #غشمه
اكو انسان يمك عايش #سنين
ويبخل بالمحبه يگول #كلمـــه
واكو عنك بعيد وعايش #ويــاك
يفهمك من بعيد انت #وتفهمه

 

[mohammed.shams]

لاتثكَل
ترى التابوت من يثكل يريد أمتون
والميت يغم روحه
أذا ما شاف عظ أسنون

.
.
مدري ليا شريف

 

[mohammed.shams]

اخذني
وياك نسيني التعب والهم
الك بيه سوالف هيل ماتنسمع بس تنشم

 

[mohammed.shams]

ردي بينا عيون اهلنا متأنية يمر ها ضوى
ردي بينا بشوگ فختايات ويزفن سوى
ومن رفيف الگاع نأخذ سنبلة
ومن تعب فلاح ريحة مهيلة
ومن ادگ الباب كل دگة بالف مية هلا ...
ردي بينا تونه يادنيا كبرنا تونة يادنيا صدگ ورد عمرناa

 

[mohammed.shams]

بعد مانبچي صرنا اكبار ونخاف
الدمع من يمشي يعثر بالتجاعيد
بعنه المانملكه بسوگ الاوهام
الابد مايوم نذكر لزمته الايد
وعلى الواگف ركضنه وماوصلناه
كتلنا ارواحنا وماندري شنريد ؟