أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

شسويلة الدمع؟
غيّم ابشاطي الشوف..
لا ينزع اعيوني.. او لا يكت ويروح !!

 

[mohammed.shams]

من طين حايط هلي
والباب ..برده....بلا جرس
والبخت ناطور الستر
ما حاجة نوكف.....حرس
البلابل فوك احلامي بنت بيت
وصرت جلمه بحلك شاعر بنت بيت
أفكر كون أحب وحده بنت بيت
مووحده تحب وياي ميه

 

[mohammed.shams]

اني من انزل مجاز يكلي أبوي
ها ولك خزيتنه اربات الدلال
اني كاطعلك مهر ع_تفكةه ليش
تعوفها بلا محرم ابين الرجال

 

[mohammed.shams]

خطية احنه .. نضم جروحنا بروحنا .. وتفضحنا ملامحنا

 

[mohammed.shams]

ادمنت عالكافور روحي ام الهموم..
گامت ثلث نوبات تتوفه باليوم

 

[mohammed.shams]

نطاني ظهره ومشه
حسباله راح ألتفت
والدنيه توگف تره
مايدري بيه جبل
متروس عزة نفس
والخاين استحقرة

 

[mohammed.shams]

طافحه اعله الجنه روحي ...
وگام واهس مشتهاك بعيني يصعد ...
ومن وصلت وما لگيتك ...
گتله رجعني لجهم بلكي غاد الگاه وابرد ...
بلكي يا منكر احصل حفنة ملوحة من اشوفه ...
والجروح البيه تنسد

 

[mohammed.shams]

‏ااخ‬ ..وينك
راح اشك زيج السوالف
حتى تطلع كلمة كلمة
مفرعه بس تدعي عليك

 

[mohammed.shams]

جروحي عتگن رايد اصبغهن ضحك...
من كثر مافلك طرني صرت عالم بالفلك.
ولفي غاب
دموعي عريانه.
تدورلهه حجاب..
شعري شاب والتكتلك انه شاب
هي غلطه العشك مره
وغلطة الشاطر بألف..
ربي عود انه امن اموت حطني بالجنه
لان شابع عذاب..

 

[mohammed.shams]

تذكر كبل
من تعتني مشتاك
حته تشوفني
مو تلكه روحي
مشككه ولمسات اديك تروفني
تتركني هسه قررت
ينطيك كلبك ننتهي
وبس بالاحلام تشوفني