أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

الليل يدري اشكد احبك لأن
وياك عيني تستلذ بالسهر
أذبل لحد ما أرتوي بشوفتك
جن سنبله الروح وعشرتك نهر...»

 

[mohammed.shams]

‏شجاك تعودت ياقلب/ علاخ
تخلص من مصيبه تروح/علاخ
بعد ماظل عتب ينعتب/علاخ
رماني أبير وأتهم ذيب بيه ..
‎

 

[mohammed.shams]

‏شجاك تعودت ياقلب/ علاخ
تخلص من مصيبه تروح/علاخ
بعد ماظل عتب ينعتب/علاخ
رماني أبير وأتهم ذيب بيه ..
‎

 

[mohammed.shams]

وهسه ما دام انتهينه.!

اسمحلي اذكرك..

خل اذكرك من بدينه ..

لمن چانت..

تهدل امتون السوالف

واحنه لسه بـ ( عــز ) حچينه

 

[mohammed.shams]

لمن چان

العتب نظره

الشوگ نظره

وحتى نار الغيرة نظره

والجريء الـ بينه چان (السانه عينه)

 

[mohammed.shams]

ارد اذكرك

من گلتلي .. هوايه احبك

انـه والـ (عباس) احبـك

گتلك ابشر
وانـه هماتينه احبك .!

چنه فقرة

لكن اتذكر وكتها

 

[mohammed.shams]

الدنيا صارت بين ادينه..

ومدة عدت

والتقينه ..

ومدة عدت

و انجرحنه

ومدري ياهو الخان بينه..

ومدة عدت

بيها حيل اتغيرينـه

واحد اعله الثاني صار يريد زله .!

 

[mohammed.shams]

ودسنـه فوگ اجروحنـه
و قصدا مشيـنه..

والتهينه ..

ولبسينه اگلوبنه اثياب الكرامه.!

واحنه نعرف

بين كل خل وخليله

إمبهـذله اثـياب الكـرامه

وعاندينـه..

 

[mohammed.shams]

والحچي يطول حبيبي..

وانت تتذكر غناوينـه وبچينـه

- وصح بعدنـه

-وصح چوينـه اگلوبنـه وغصبا جفينـه

لكن امحلفه الساعه

تگول اذا لحظه نسينه..

وانتهينـه ..

وهم اخبرك

للأسف موش انتهينه.?

لچن يبني

 

[mohammed.shams]

وحگ عينك من اغمض

ترد ذيچ ايامي كلها

وهيچ احس هسه ابتدينه..