أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

وبقينه انتاني ونتاني

وتلاگينه سهر وعيون محد شايف الثاني

 

[mohammed.shams]

شيل عينك فوك يالطبعك خجول
حان وكت الليل خل يبدي الغزل
ضكت مر هجرك بعد ما بيه حيل
خل اضوك اليوم من عندك عسل
كمر عالي وجان عن عيني بعيد
بعد كل ذاك الصبر يمي نزل...

 

[mohammed.shams]

فصليه..

جابوها دفع للدار ..
لا ديرم ولا حنه ولاصفگه ..
ولا دف النعر بالسلف ..
لا هلهوله لا ملكه ..

نشدت الناس عن قصه هالبنيه ..
شعجب جارو عليها بغير حنيه ..
ورديت بگلب حزنان ..
من كالولي .. فصليه ..

 

[mohammed.shams]

لعنت ظلم التقاليد بألف حرگه ..
عمنها الاخضر الهرفي بسعر اليابس تحرگه ..
.....................................

 

[mohammed.shams]

حديثه نگول حوريه ..
ربيع العمر مياله ..
حرام دموعه الطيبات ..
عالخدين هماله ..
وين العطف والرحمه ..
يفصاله ..
لا سوت ذنب لا هي جتاله ..

 

[mohammed.shams]

جا هيجي حكم ديوانك المهيوب ودلاله ..
عليه تحرم فناجينه وگهوته وكعدت ارجاله ..

خصبتوها ..
ظلمتوها ..
حرمتوها ..
هضمتوها ..

 

[mohammed.shams]

وهبتوها الشخص ظالم ..
حتى من العقل ما يملك .. وشاله ..
يحاجيها بدفرته وكال فصليه ..
عساها بخت من فصلوا ..
وانطوا مهرت الفارس ..
يوادم ما هي خياله ..
حوبتها وراهم دوم ..
تحركهم بكل شهكه ..

 

[mohammed.shams]

فوگ خصرج نابت التفاح
وانا هواي يغويني الخصر
كون اموت
وفوگ شفتج
يبتدي يوم الحشر

أزهر كريم

 

[mohammed.shams]

هناك
من زتيتيني للـ فجر گلتي شوف
هذا وجهي وهاي شَمسك
ياهو الأحلى وگتلچ انتي
وين رحتي
هواي مشتاق لـ ضحكتي
يا ضحكتي هواي أحبچ

 

[mohammed.shams]

لاح السهر عينك
والجفن سكران ..
وارموشك عرايس والكحل زافوف