أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

شمدريني الگلب بجفاك
دگة وثانية ويتعب
شمدريني اليحب بسكوت
ما ينحب ..
كاظم أسماعيل الگاطع

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

دفتر ذكرياتي تكلبه تقراه
على خد الورق ماتلكه دمعات..
ليغرك كتبت بصفحه مشتاك
نسيتك وانتهت بهواي صفحات..
واذا اسمك لكيته بنص الاسطور
اسم ابليس كلمه بنص الايات..
الك كلبي فتحته وردتك تفوت
وكفت انته اعله صفحه وخنجرك فات..
ل ..فاضل كريم

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

بعد من ريد جيته لا يجي العيد
لان مو ثوبنه ثوب التواسيل
الناس تشيل كذلتها من العيون
بس احنه جثث للمكبره نشيل
بذيج الناس بس اليكبر يموت
وهم موت الله عدهم مو مجاتيل
يكلب صفحه صفحه هناك يلموت
بس من يوصللنه يكلب الجيل
نمشي صالح الله وطن منفوس
اذا محسود حته اعله التماثيل
ونخليله الفرات ودجله والكاع
بس ناخذ علي ويانه ونشيل
مظهر الزبيدي
الى روح اعز اصدقائنا

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ياعطش روحي ونداي
ياسماري وكحلة عيوني وضواي
خوفي ..
خوفي من باچر يجيني
واني ماكو وأنت جاي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

شنهي اطيب من اذيتك
عندي ورده زغيرة كلش بين شدات الورد
ترضى احطها بمزهريتك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

والله لو عندي بخت
جا لمج من سنين بختي
و جان هسه دموعي ماكو
و خابصه العالم ضحكتي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

البس طعنتي واكشخ بوجه السيف
واتلگه الحچي واني العن الشيطان
الفارگ لو وفي؟ بصوت القطار يموت
تطـلع روحــه لمــن يطلـع الدخـــان

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ارگض ما اطيح وبية اشمت الكاع
مو انة اليضل ياهو اليجي #يفوتة
ارگض بالعكس لو بية دار الكون
اصير انة اليهد والناس #مشحوتة
واصيرن خوف اخوف واشردمن الموت
وشحدة اليجيني واهجم #بيوتة
ميتين المكابر ماتشيل سيوف
بس جيب اليطب بليل #للموتة

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

من بعد مافوگها نهال التراب
غوبرن ضوياتي وتعسر هواي
جوهرة ودفونها من دون اكتراث
(والمصيبة گبالي مادفنو وراي)!
انه محتج انه ضد فكرة الموت
(ماهو اولى الدود من عندي بضناي)
ثم عزرائيل ماراعى الاصول
(خلسة طب البيتي ماماخذ رضاي)!
البشر زرع الله ماعندي اعتراض
لچن ماكو بگاعي بس هلزرعة هاي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

رضينه بكل سنه انزورج يالكبور
ونبجي اعله العدل بعيون ناطور
خطيه الطير من ايمر على الناس
على غفله ونشوف اجناحه مكسور
كبل عدنه جسر كوه بنيناه
بس هو انهدم ما بين الاجسور
على الوادم تدور الدنيا بالخير
وعلينه بالمصايب كامت اتدور
ولا مره كعد حظنه حرامات
قصتنه غريبه وقصة انذور
ردنه العافيه وبرودة الكاع
ما صحت بدينه اشحال الاقصور