أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

وين تردين الدرب يتشظه موت
وجهج المخطوف شمضيع طفل؟؟
جدمج الحافي شسحك والكاع نار
بلا وعي تركضين لو عندج عقل؟؟
خوية عذرينا انتخبنا المو شريف
الما يهمة شلون وشكد ننكتل
صوجنا وما ندري غاليهم رخيص
وعالسطح دبج يبت وجهي النزل

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

جرح الجسد ينتهي جرح الكلام اكبر
يبقى يدگ بالگلب طول العمر واكثر

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

كبل جانت محنه وناس توصل ناس
وطاسة ماي جانت عدهم تغزر
عكست والنهر يطلب من الناعور
والخبزة بعد ما كامت تشور
قل في الوفه من علت شمس العوز
وضم راسه البخت والعاهر تشور
حقهه الفوس تعمه وتحضن الزنجار
العصي صارت حديد وكامت تطبر
كاع الفاض ميهه ونشف منهه بساع
من يشتد عطشهه من الوفه تفطر

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

البخور بلا عداله
للهوه يهد عطره كله
وينطي للحايط طعنته
وحصه الگاع الرماد
كافي عاد !!!
صفي رايك يا بخور ...
مره اشوفك مره ناي بحلگ حايط
يعزف ابروحك عطر
ومره اشوفنك جگاره وگاعد ايدخنك گبر

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

كل بشر يوصل محطة
ويشبگ اهله
وانا اشوبح من شبابيچ الفراگين الحزينة
انطر احد ... مايجيني
انطر الدمعتها چانت
نجمة تتلالى بجبيني
انطر انطر....
وارجع ردود لمچاني
السچچ خلصت... ماوصلت...
ومشيت وحدي بلايا سچة..
ايه ياعشگ الماله سچه
ياوطن
يا بيك
وبلياك اضيع

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

أشكد ملامح بيك أحبها
وما حجيت

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

لايگ الاسود عليك
ولايگ الكلشي عليك
و شارع شگدة و شكبرة
ما تدوس الة علة گلبي
شلون بيك ؟

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

الشاعر عماد المطاريحي
العش مو حطب !!!
خل يفهم الحطاب
العش بيت شرعي وساكناته طيور
وأحياناً يضم عشاگ متصافين .

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ليش خايف؟
القصور العاليه خدرااانه حيل
والحچي بـس للصرايف

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

كتله احبك ماقبل
كتله مااحبك زعل
الراحل عبد الحسين الحلفي