أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

رغم العوز بالعوز هد أبنك وعانه
ماغير چف أبنك نفض حملك وعانه
چفوف ألي كلت زادنا ونكرت وعانه
لا يغرك برق خداع معدنهم ودُرّهم
خيرهم ثمل بالعار ما ذكر وَدَرَهم
رخلصوا صار الفلس قميتهم ودرهم
ولو درهم چثير أعله خيرهم وعانه

للشاعر محمد طالب عودة

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

مشكور ماقصرت سهمك بالگلب جبته
هذا أنا عود بشغف كونك بحث جبته
عليك ولَوَنْ كافر عشك يعبد كفر جِبْته
ماچان لي هذا جزه وچفك ورد أَهْدَانِي
ما ادري أشيد قصر فوق الرمل أهَدَّ أني
عساها بحظ الذي لدرب العشك اهداني
أوصلني حال الذي ضامي ويحفر بالفلاه جُبِّته

للشاعر العراقي محمد طالب عوده

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

يسألني الاحبه اليوم عن حالي
عاينت وكتله بألم اني طيب خاطر
ويكلي مكدر للعشك كتله اني طيب خاطر
ويكلي روح ولا ترد
كتله اني مالي خاطر
كلي اتأخر يا ولد
كتله اني اصبر ناطر
كلالي وشلون الوكت
كتله اني اصبر ناطر
كلالي انطرني سنه
كتله انه صابر ناطر
كلالي اخاف من الوكت يكسر كليبك اترك
كتله اني من اول صغر جابوني مكسور الخاطر

ظاهر الزيداوي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

يادار وين الربو عامات في جالج
امسوا بعيدين ومامنهم حدى جالج
عافوج ياوسفتي وهدموا من جالج
وخلوج مسكن طيور هراب والبومي.
ودموا ابيار الوفى النشف والبي مي
ياحيف هذا الوكت ترضين ياامي
ويادار طول العمر حكي الطم ابجا لج

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

بطلي الملاعيب عل الشفتين مو تحمر
ولو جيت ابوسك گبال الناس مو تحمر
ردنه انتمرمر بطعم اشفاك ما تاح مر
وحنه الكضينه العمر نشرب حسن من حلاه
شايل عسل مو عسل داخت عليه منحله
لبست ولفي خمار من الحسد من حلاه
عيونه مصيبه وعليه خدود موت احمر

للشاعر ليث العلي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

اني انسان توجعني الذكريات اني انسان عايش بس كلبه مات انه الوفي لما وفوله وصار علج بحلك الشمات

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

لمن خاطري كسرت شفكرت ما اذكريت إيامنه ليش بيدك هدميت احلامنا رجعتنه ليورة والزمن كدامنه جنه ابمحبه وفرح والزعل احنه شجابنه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

صح ناسك هواي ولو التموا يواسونك بس أيدي يبعد الروح تضل تعتازهة دمعة عيونك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

اكو واحد يحبلة وحدة بمنطقتهم ومن الطفولة بس ولا مرة صارحهة بمشاعرة الا ان اجة يوم وهاي البنية انخطبت لأبن عمهة فيكول هذا الولد:حلقتج وحبل المشنقة ثنينهن فرد العذاب الحلقة تخنك اصبع وحبل المشنقة يخنك ركاب وثنينهن تاليهن الموت لفاكد ولف يرهملة بس تابوت ولا يبقى ينتضر لما الة جية

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

إبتسمي ، فأنتِ هي الجميلة وهم بقايا جمالك