أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

تمشي وبعطرك كَدتني
بزلفك اسكر تيهتني
وسافرت للمدري وين !!
.
يوسف الدراجي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

مشتاگلك
گد ماذبح ميل الثواني اعمارنه.
گد مانزل فوگـ الجفـن
دمع السعاده ومارجع
الا بقهر مشـوارنه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

وگع گلبي بغرامك ماتشيله
وتره گلبي المعذب ماتشيله
اخابر وانت تسمع ما تشيله
وينك ياحلو بس رد عليه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

شحلات الخوة لوصارت بالكلوب
مو خوة حچي وگعدة ومصالح
وأكو خوة تصح بس ماصخة تصير
وأكو يزامط چذب والحيل رايح
أكو يفزع إلك بس هو چذاب
وأكو يشگ الچفن لوسمع صایح

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

بكلامك ياهو التقصده مثلمن ..!
امثال اهواي ليعجبك مثلمن....!
احبك والله بس تدري مثلمن ..
مثل زينب لبو فاضل خويه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

شنو يعنيلك صديقــــــــك ....... كتلة صاحب ومايوم ينمل
كلي بس وضحلي اكثــــر ....... كتلة دلاني الدرب خلاني اندل
كلي داسئلك صديقــــــك ...... كتلة خوية وماشفت فديوم اجمل
وليدي داكلك صديقـــــك ...... كتلة غالي وكلبي من فركاه ينسل
يابة يمعود صديقــــــــك ....... كتلة ظلعي وعقلي بيه حرم وحلل
كلي بس احسبهة زيــن ....... كتلة وين تريــــــــــد توصـــــل

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ترستك ماي خوة لا نداوة الكــــيت
طلع جودك شبج واسراري تتطشر
خاويتك عشب وي كل نسيم اتميل
جربتك شجر بالريح تتكســــــــــــــر
ومن صارت صدك ردتك ولو حاجـــوز
وغصب عذرك قبلتة اتخاف تتعـــــور
بزلاتك اضم ردتك ضمير اتصـــــــــير
وجذبت الصدك حتى انت ما تخسر

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

اذا جرحك نزف لا تشكي للغير
تره لشكوى لغير الله مذله
واذا واحد يسألك عالجرح بيك
حط بيه صم لح بس لا تگله
كص ألسان جرحك واخنك الاآآآه
وشك زيج الوجع والاآآخ احمله
واخذ طبع الجبل لو وازته الريح
ما ينزل يبوس اجفوف تله
ولا تاخذ عسل من ايد شمات
لمراره بعز طعمها هواي احله

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

جفه وانغام صوتي ماترده
الكلب كاطع ونينه ماترده
الشامت حجه يصاحب ماترده
شجاك وصافحت شماتي عليه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

عله گد اسمي انتـﭼـي وما أدور فياي
‏ولا أدور عذر من طيف مبيوگ
‏استنگي الهوه الما شمته الناس
‏حرام اشهگ هوه وعد غيري مشهوگ