أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

چنه نحلم
چنه واحنه صغار
كل عصرية نلتم
نلبس اجناح الگواغد
نرگض وي الغيم حافين
وعلينه الليل يلتم
چنه نحلم

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

كلشي اتوقعت بس نفترك لا..!!
جانت حسبه سهله ومحسبتهه
جانت قصه حلوه وبيها احلام
اجيت بنفط هجرك وحركتهه
تذكر من رسمنه اعل الشجره كلبين
خيطت الجروح من ارسمتهه
وعد انطيتني نبقى احنه للموت
حب عشرة عمر دايم قدرهه
))امد ايدي من الشماته خاطر تعود
صلف جف ايد قلبك ما شبكهه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

متت وياي من أول
وتريد اتعيش من تالي..
كتلتك .؟؟
جا صرت مثلي.؟
وتريد اتصير جتالي
أحسكّ ظل يرافگني
ويكبر من تجي الظلمة...
يصير اخيول وحشية
وتطاردني.

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

هذا شاهدك يحسين موجود
بقه مجدك ومجد اعداك زائل
المن گاصدينك هالملايين
والمن فارشه الگاع العوائل
نور بحضرتك يطلع بالغروب
شمس وانطت ظهرهه للسنابل
ريحانة الزهرة وعلي الكرار
داحي الباب حلال المشاكل
ابد والله ماننسه حسيناه
هذا بكل زمن تحصيل حاصل
هاي الغانمة بكل الحسابات
يلما وصخ ابهامك تنازل
من طاحت الراية امن ايد عباس
بحضرتة اليوم تنشال بهلاهل
راسك من تعلى فوك الارماح
ظل راس الزمن لليوم نازل
بالطف استقام الدين يحسين
لولا الطف بقه الميزان مايل

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

العزة مسجلة بلاءات الطفوف
وعيالك سبايا اعلة المحامل
العزة بقافلة زينب الى الشام
والسجاد عالنوگ بسلاسل
العزة بدم رضيع انكتل عطشان
وبجفين منك يابو فاضل
العزة غالية وماتحصل اليوم
لان يردونهه بلية مقابل
زنجيل الأثم ملفوف عالگاع
كل احنه اشتركنه بيوم عاشور
موبس الشمر يحسين قاتل
صلينه ورة مسلم صلاتين
والباقين ضلو بالمنازل
اذا جتك رسائل منا يحسين
بعد يحسين لتصدگ الرسايل
اجة مظلوم للمظلوم ينخاة
ويشوفه السهم ليوين واصل
ليش اتغيرت يابو علي الناس
وعگال البخت عالراس مايل
ما واحد يعاين حالهه الناس
والضيم بجرفهه اشلون ياكل
ما واحد يعاين حال الارهاب
وابو سياف هذا انسان باطل
خجلنه ومستحانة ابهاي الايام
درب العوز عثرت بي اصايل
هذا البفرات تشوفه مو ماي
عرگ من كصة التاريخ نازل
الـخالد كاظم اسماعيل الگاطع

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

گبل ساعه ثنعش
تطفة المواويل ..
وتجي طيور المدينة ..
اتحط على العين
تدور عن گلب
يوسع للطيور ..
وتدور عن رصيف
يلم بجي ثنين .؟

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

مره شفتج مزهريه ..
وردت فوگ الجرح
ومرة شفتج ليلة شگرة
سهرتني ضنونها لوجه الصبح
ومرة شفتج مدري شنهي ....
لو معابر

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

يماخذني ويجايبني مع الماي
وانته ال بلهوى صاير مع لماي (معلماي)
تعال اجمع ألم گلبك مع الماي
تصحة انته ويظل الداي بيه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

خايب ليش ماتنشد
ياهو البدل گليبك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

على بير المنايا وجيت عطشان ..
مجبور ..
وشربت الماي راگد