أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

حنيني اعليك أمك ماتحنه
وظهري لغير شخصك ماتحنه
أسف چفي بمحبتك ماتحنه
تحنه دموم من گلبي الخطيه

 

[mohammed.shams]

==============
لاتأشر على الماشي ولتصح
وخوة صدگ ماظلت ولتصح
اعضامي أبد ماتبره ولتصح
أصحه لو يمر ذكرك عليه

 

[mohammed.shams]

عيني من الزغر دمعي نغمها
وروحي ما بعد يطرب نغمها
الدنيا اخلاف عشرتكم نغمها
مثل موته انتمشه اعله الوطيه
==============

 

[mohammed.shams]

علي مرت يناهي ايام سودة
واريد اصبغ اهدومي اعليك سودة
حبك بالگلب والروح سوده
أونن والطبيب احتار بيه

 

[mohammed.shams]

كل من شاف حالي أبد مالام
وعرفني وشاف جرحي كلف مالام
صرت مثل الطفل بالمهد مالام
يتيم وعيشته كلش رديه
==============

 

[mohammed.shams]

يهل ناوي على الهجران وك تان
خامك لاتخبطه بصوف وكتان
بالدنية يمر عالبشر وكتان
وكت راحة اوكت كله أذيه

 

[mohammed.shams]

يلايم لا تلوم الگلب بسعاد
صدگ ناس بضليمة وناس بسعاد
يهل گاعد توالي الليل بسعاد
تذكرني بوليفي الخان بيه

 

[mohammed.shams]

هلال افراگم روحي وهلها
ودمعتي مرة أكفكفها وهلها
البصرة وكل نواحيها واهلها
الوجودك فرحت وأدت تحيه

 

[mohammed.shams]

عذاب الشوگ شبگ ساعديني
وساعة انخه الأيمة ساعة ديني
على نص المصايب ساعديني
كلف ظيم العشگ كله عليه

 

[mohammed.shams]

وحگ صفين والخندق وحطين
أملش الراس بغيابك وحط طين
واطير من الفرح صدگ وحطين
إذا بالطيف مرة اتمر عليه