أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

إلك شفتين تكتل ولعني
واحسها بنار تحرگ ولعني
شني مسودن واگلك ولي عني
لو شارب نفط وجنون بيه

 

[mohammed.shams]

الجگارة بنار دلالي ورثها
وعاين دنيتي وشنهي ورثها
أخذها الروح ترثيلك ورثها
ساعة انته تنوح وساعة هيه
==============

 

[mohammed.shams]

من دمعي جرن نهرين وعيون
ولخليلك الف حراس وعيون
شلون خدود عندك ولفي وعيون
كبار ومحله نظرتهن عليه

 

[mohammed.shams]

أريد آخذ قصط راحة من الراح
بچيت وربعي سألوني من الراح
شجاني وماخذت عبرة من الراح
ولا بالجاي عبرة اتصير اليه
==============

 

[mohammed.shams]

افتحت صدري لسهامه من رماني
وشفته وگلت مدري من رماني
بفيي وگعد ياكل من رماني
ويحسب للشته شچم غصن بيه

 

[mohammed.shams]

بين ظلوعي شلتك ماهملتك
وبقيت بجفن عيني ماهملتك
حسبالي الخيانة ماهي ملتك
لچن هسه اتضح كلكم سويه

 

[mohammed.shams]

بعد من نار شوگي من جمالك
يهالغاير غاير جمالك من جمالك
ثكيل الصحرة تشكي من جمالك
واذا تصعد جمل تنكسر هيه

 

[mohammed.shams]

هله ياللي على الفطرة هوانه
وينعشك لو يمر مرة هوانه
إذا تسأل على اليوفي هو آنه
أفزع باول صياحك عليه

 

[mohammed.shams]

مثل مرجوحة بي رايح ورادود
ولولي بصوت لاناعي ورادود
من يمشي الحلو يمشي ورا دود
امن اشبگة الدود يتكوم عليه

 

[mohammed.shams]

بابي المانهر چفك من اندگ
ودعاين آنه لو وكتي من اندگ
حنطة وطبعي اظل واگف من اندگ
أغزر بالوفي وبالذاته ابيه