أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

يامن ما لغيره الگلب يامن
رضه گلبك علينه انگول يامن
أنشدك إنته امس مريت يامن
وراك الناس تتراكض خطية

 

[mohammed.shams]

كم من عمري خلصته وراكم
وگضيت اسنين بس اركض وراكم
بعت عمري تره لحبكم وراكم
بدال المشتره تبيعون بيه
==============

 

[mohammed.shams]

المصايب أمنن بية ولاذن
بغيابك لانظر عندي ولاذان
وحشة غروب المفارگ ولاذان
العديلة تگول يقروها عليه
==============

 

[mohammed.shams]

منهو النكر عهده من عهد من
انهدم گلبك وگلبي منع هد من
عشگنه اتعرف عهده من عهد من
گبل الاسلام هسه تخون بيه

 

[mohammed.shams]

عطش گلبي بمحبتك ماي اتاني
وبعد ماظن ينطرك مايتاني
تعال وشوف حالي ميت آني
بس الروح گوه مچلبة بيه

 

[mohammed.shams]

جرح گلبي شعمل بيه وشده
نزف محد گرب يمه وشده
وگفت بكل مصيبة الهم وشدة
انعم الله اعليك محد گال اليه

 

[mohammed.shams]

اذا نترك ودادك وانتنازل
إحرگ جدنه الاول وانتَه نازل
بعد روحي أحطك وانته نازل
وسط گلبي واريد اقرب شويه

 

[mohammed.shams]

أصيلة الروح تنشد من خيالي
وافز مرات اخافن من خيالي
شكثر حاولت احذفك من خيالي
خيالي انحذف وانته الضال اليه

 

[mohammed.shams]

سؤال انت والك مقصد والك حل
والك جاز الظلم بية والك حل
بعد عشرة وتكول اترك ولك حل
القصد ادري القصد منك اذية

 

[mohammed.shams]

تذم بية وتكول اترك ولك حل
والك واهس علي تقسى والك حيل
كتلك من دست جرحي ولك حيل
لكن بالهجر تجني عليه