أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

هيه حيره...؟
الشوك حيره ...؟
العشك حيره...؟
الدنيه حيره ...وضاله احلامي جبيره..
.؟
لا وطن مامون ونعيش بامان....
ولا ولف يوفي يصح منه الضمان..
وضال هيجي..
تكول عايشلي بجزيرة.
ولله حيره.

 

[mohammed.shams]

تعال اوياي

نادمني ابمزاحك ، مثل ما يرضيك

واگلك ريحتني ومنك اتشكر

تزعل ترضى تتدلل

تسكت تحچي تتحجر

انا بأي كاس منك انتشي وأخدر

 

[mohammed.shams]

أسطر ذكرياتي وياك رف رف
وحس كلبي بسعير الشوك رف رف
تكص جنحي وتكلي أرجوك رف رف
ولك شرفرف ولجنح بيدك ضحية

 

[mohammed.shams]

ينزل . . بالنبض سرين

• سر أنتَ

• وسر نهر الگلب ماأدري وين إيريد

 

[mohammed.shams]

خذني
يسمر لآ تردني
صفگة إجنآحين خذني
خذني گتلك !!
مشتهي الدنيا وكتهه ترد لـ امس
روحي بستآن العصر
وحشه و مشت عنه الشمس

 

[mohammed.shams]

حرگتلهم
شكو بـروحي سنابل شوگ

ولا منجل محنه تكحل بـ طولي

 

[mohammed.shams]

أباتن بيّـه چـن خطار ولا چـني إلي و مالي

محمد كوكب

 

[mohammed.shams]

يلّي اتعودت ملگاك
ماكو اصعب من التعويد

 

[mohammed.shams]

من أحترگ چفي وخذتني النار
وأفتر بالسمه دخان رسمّك
رگضت أبگلبي الشراره
وسابگت چفي ويه ممشة النار
شفت أيدي هتافات ، ومشاعل
تمشي بأسمك

 

[mohammed.shams]

اشوفك رازقي من اشتم
واحسك وي رفيف الدم