أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

تجازيني بهجر ودگلي احبک موت
مــــوت الياخـــذک الـــلـه لا ردک

 

[mohammed.shams]

أشوفچ مومثل ماشوف كل الناس
لأن رقة جمالچ عالأرض تحفة
وحذرچ وحدچ بالغرفة لتگعدين
بس تصفن لحسنچ توگع الغرفة

 

[mohammed.shams]

ردت أبچي بوداعك بس گلت هيهات
ماطخ راس الك يمخيب اضنوني
سيطرت اعله روحي وگلت الله اوياك
ماطاح الدمع بس طاحن اعيوني

 

[mohammed.shams]

يباقة ورد اهديلك انت اشلون
الورد منك خجل ما يدخل السلة

 

[mohammed.shams]

رحت اعزي بيوم ميتلي قريب
ولو فتت يهواي أشوفنك ردت
وانته لمن جيت آنه بلا شعور
بالعزة آنه بأعلى صوتي هلهلت

 

[mohammed.shams]

يالهمسك غنه ويالصفنتك موال
وصفه لكل مريض يطيب اليسمعه
واظن سنتين واكثر حبلت امك بيك
لأن دقة جمالك مو شغل تسعة

 

[mohammed.shams]

لتگلي اعله مثلك ما أحصل وين
أشگر داخ منك حته كل اشگر
مو كلمن حلو ويلمع تحضنه الناس
هم كلش حلو وهم يلمع الخنجر

 

[mohammed.shams]

بده العام الدراسي وكيفت حيل
حبيبي اليوم راح ايروح مدرسته
أمشط شعري گمت وچلب اوياي
شلعته وبالعجل رحت آنه قابلته

 

[mohammed.shams]

أبيض مثلك ابيض ماكو بالكون
ولايحمل بياضك أيًٍ من كان
من اللبن ماخذ لون الخدود
لذلك من اضوگك ابقه نعسان

 

[mohammed.shams]

أيس لاتضن ابعيني گطرة ماي
أبچيها عليك وتغرگ اخدودي
عنودي وما أحن لو تنزف العينين
وبضنك لاتضن ايحن العنودي