أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

على لحن الدمع نامت عيون الليل.
وعلى صوت القهر فز الصبح كلبي.
لا ظالم بشر لا قاهر احد بيوم.
ليش وياي هيجي يصير ياربي.
مخنوكه السوالف تطلع من الروح.
مادري شعجب وشصار وشذنبي.
يلوموني لان ربيت حزني وياي.

 

[mohammed.shams]

الوفه جان بديار الناس.....بسعاف
دياره وصفت ناره تلوج.....بسعاف
اليطيح من المرض ينشال...بسعاف
الفقير يطيح وتشيله المنيه

 

[mohammed.shams]

حطيتك بغربيل مو قصدي اصفيك
للصاحب الموزين اضرب مثل بيك

 

[mohammed.shams]

مو ذاك الوكت والناس غير الناس
كلها تغيرت والصاحب تبدل
گلت ماروح اگله وغشني بيه العوز
ما اعثر بعد وبخطوتي اتمهل
عله وجهه شفت مكتبوب المن جاي
وعله السانه تلعلع كلمة ادلل
انفاس البشر خطوات للتابوت
بعد ماظل عمر يستاهل اتوسل
من كثر الطعن صار الگلب غربيل
حطيت الربع بس مايهم وشل

 

[mohammed.shams]

العش.....مو حطب
خل يفهم الحطاب
العش بيت ......شرعي
ساكناته طيور

 

[mohammed.shams]

أحس روحي تآمن بيك واتخافك....
واحسّك ....مدري شنهو انت.....
لغز لا حجي ولا سكته...
ولا غيرك نبع بالشوك يرويني...
وتوصيني ....
لونّك مو دمع ما شالتك عيني....

د.عريان_خلف

 

[mohammed.shams]

اشمشم بلقميص الذاب بلچن ريحتج بيه
وافگس عين كل شباچ ماجابج نذر ليه
كلهن بلگلب چذبات وانتِ بروحي صدگيه
يا أول ملح بيه
اهيس ريحتج بأمي
واكودن صفنتي بجفي واصليلج نبي وقرآن وتوضى بثلاثينج
يم غيرج عميت العين ..چا هلبت اجي بعينج

‫#‏أوس_النواب‬

 

[mohammed.shams]

معركتي انتهت ........... والنصر جان فراكـ

 

[mohammed.shams]

ﻣﺮﻩ ﻣﺮﻧﻲ ﺍﻟﻄﻴﻒ ﻧﺴﻤﺔ ﻋﻠﻰ ﺟﻨﺢ
ﻭﺑﻠﻞ ﻋﻴﻮﻧﻲ ﺑﺪﻣﻌﺘﻴﻦ ﺍﻟﺼﺒﺢ
ونكَط ﺑﻬﻴﺪﻩ ﻋﻠﻰ ﺭﻭﺣﻲ ﺍﻟﻐﺎﻓﻴﺔ
ﺳﻮﺍﻟﻒ ﻋﺮﺱ
ﺟﺎﻧﺖ ﺍﻟﻜَﺬﻟﻪ ﺫﻫﺐ
وﺟﺎﻧﺖ ﺍﻟﺪﻧﻴﺎ ﻛﺮﺳﺘﺎﻝ ﻭﺷﻤﺲ
ﻣﺮﻩ ﻣﺮﻧﻲ ﺍﻟﻄﻴﻒ ﻭالنومة ثجيلة
شاورتني وشفتك هلال ابو ليلة
ﻭﺁﻧﻪ ﻭﺻﻴﺘﻪ ﻭﻭﻋﺪﻧﻲ ﻭﻛﺎﻝ
ﻧﺮﺟﻌﻠﺞ ﺳﻮﻩ

 

[mohammed.shams]

الحلـوه.
حلــوة صيـت مـوش بشـكلها
كــون بشـرفها تشيل هامات اهلـها