أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

كون اجيج ...
اوروحي متروسه سوالف
ارد اطشرهن عليج
وافرش اعيوني حلم وبين اديج
وارد اسولف بالعشك ... سالوفه خضره
وارد اكلج .... مشتهيج

 

[mohammed.shams]

يا_سواليفــگ"
معاضد تنــزل بشمرات اديــگ"
و يا لذيذ المستحة يرغبني بيگ"
...
شحلات من انسى يمگ سالفة"
وارجع_عليــگ

 

[mohammed.shams]

الدنيـا ما توگـف على أحد للجـرح نلگـه دوه
ألعافـك ألخانـك أترگـه
لأن مـو بيـده الهوه
الشمس و الليل عركه
الظلـمه متحـب الضوه

 

[mohammed.shams]

ونشدوني على أوصافك حرت
راويتهم گلبي وگلت
يرهم عليه مفتاح

 

[mohammed.shams]

انت تدري ؟ردت انسه وما نسيت

شضحكو گبالي وذكرتك ؟
شمر على عيوني ضوه
وحسبالي شفتك

شمطرت بچفي ؟
احس بروحي جستك

ل
مرتضى الحمد

 

[mohammed.shams]

مابيه ..گلب للشوك مابيه..
احن .. واتلهف .. واشتاك .مابيه
.
ولا بيه ..
اصافح من جديد اجفوف
باعت واشترت بيه
.
.
ولا بيه..
ارد اردود اخاوي اوجوه
ما بلل گصصها المستحه شويه
صح ماكو مثلكم نفس يحيي الروح
بس .. مثلي لهواكم ما تصح ريه...
.
.
غانم الفياض

 

[mohammed.shams]

خرسه التدگ بالباب عميه التفك بيه
ومفتاحه عد مجنون مايرضه ينطيه

 

[mohammed.shams]

هم قهر هم فركاك هم قسمة سودة

هم أعمى بيه الشوك واطرش يكوده

 

[mohammed.shams]

عـاجبني البـلم
ينطي النهـر مگفـاه
يدري بـروحــه
من ينطـي الــوجـه يغـرگ

 

[mohammed.shams]

منو گال الزعل والبعد #ميفيـد
اصلا بيه فوائد واحنه #غشمه
اكو انسان يمك عايش #سنين
ويبخل بالمحبه يگول #كلمـــه
واكو عنك بعيد وعايش #ويــاك
يفهمك من بعيد انت #وتفهمه