أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

نعم نطبخ لحمنه ألجيت ألجوع ...
ولكن ياجدر كفه أليتامه ...

 

[mohammed.shams]

لو ماحلگ للأبره چان ...
ماطلع للخيط صوت ...

 

[mohammed.shams]

1. شفت منظر غريب ولمه للناس ...
   ولو چان ألوضع لحظتهه حساس ...
   شايب شايل أبنه أبچيس مذبوح ...
   ويصيح شلع من يشتري ألراس ...

   
   
   
   

 

[mohammed.shams]

من أقرب صديق أتحذر أيخون ...
من أبعد شخص أتأمل أنساك ...
كل هذا أمن ألشوف ألصدگ مذلول ...
مالوم ألچذب لو صار أبو ألسان ...

 

[mohammed.shams]

ربما تجرح أحساسي ...
ربما أتكون أنته قاسي ...
لكن أنته أتظل حبيبي ...
حبك أجمل وأغله ناسي ...
ماكو گبلك ماكو بعدك ...
أنته كل ألدنيا وحدك ...
وألهوى أليصعد أبراسي ...
ربما تجرح أحساسي ...

 

[mohammed.shams]

ربما تبتعد عني ...
ربما مليت مني ...
بس ولا عوفك حبيبي ...
حته لو حبك كتلني ...
أنته غالي أتظل عليه ...
أول وأخر أنفاسي ...
ماكو گبلك ماكو بعدك ...
أنته شاغل كلي وحدك ...
وألهوى أليصعد أبراسي ...
ربما تجرح احساسي ...

 

[mohammed.shams]

تجرح أتحن أني أحبك ...
عمري مابدلت گلبك ...
حبك أمقدر عليه ...
چن ألي أمسويك ربك ...
ونته بس أتعيش بيه ...
حته لو حبك مأسي ...
ماكو گبلك ماكو بعدك ...
أنته شاغل كلي وحدك ...
وألهوى أليصعد أبراسي ...
ربما تجرح أحساسي ...

 

[mohammed.shams]

1. بالأجماع أحبك قررت أني ...
   وأذا مستغرب أنته أنطيك برهاني ...
   گبل لا أيد أحرك لانفس .. لاروح ...
   هسه وبس أذكرك أرجف ألگاني ...

   
   
   

 

[mohammed.shams]

معروف ألحبل يستخدم وبيش ...
بس عدنه ألحبل للمشنقه أنعلگه ...
لذالك لمن أمي أتشر ألهدوم ...
تطلع بالملابس شفنه حرگه ...

 

[mohammed.shams]

شنطانه ألوطن وحنه أبتوابيت ...
شنطانه وطلب من عدنه حكمه ...
أشو حصتنه صارت بس طواغيت ...
وقيامه أعله الأرض يوميه نلگه ...