أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

عذرك لاتعبره إشفافك وياي

كبل لاتفتح الشفتين راضي

 

[mohammed.shams]

تلولحي بروحي كصيبة ....... تلولحي
تمرجحي بكلبي قصيدة....... تمرجحي
احنه خلانه وكتنا تراب .....بحلوك الرحي
شما يطول الجرح بينا ....يطيب ...بس ما يمنحي
تلولحي ........تلولحي
تلولحي ..........وتمرجحي
تلولحي صوتي جزاني ...وعافت عيوني الحلم
تايه ومامش علامة ......وملت السجة الجدم
وطشت سنين المحبة ....ومن بكاياهن شألم
ومرة تغفه جروحي بيه ....ومرة احن وتلجم
تلولحي.......... تلولحي
اليا كتر يا شوك روحي ......تريد بيه الياكتر
لعبت بحالي الليالي ......وما لكه ولاية العمر
سولة الناس الملامة..... واحنا سولتنا الصبر
وشيمة الكاع يصبرها ......تشوغ لهفة وتنتظر
تلولحي......... تلولحي
تلولحي....... وتمرجحي

لـــ عريانها

 

[mohammed.shams]

اليوشل سنينه للحنطه يطيح بكيف رزق الله
سجن واصفادي ملح العوز وعيونج روازيني
وكَضه عمره الكَصب على المامش يناحر
وهوانه يشرع البيبان بس القفل بالخاطر
العشك والناس والدنيا حلم عابر
يبنيه العلك من ينعكَد مفتاح للباجر
وبنآدم كَمر وأنهار هاي الكَاع
دمع الله الغسل كل ميت وكل حي
وفوكَـ من العمر طاري
طاري من السمه بلا ضيّ

 

[mohammed.shams]

الكَصيه
السودة
من طارفها
تعرف
نية الظافرها
بيضه
لا تمد جفك عليها

المو الك
الها تراجي
وكحلة
ومرايا
وابو يغازل حسنها

الماتعرف تشدها
لتحلها
حرام!!!
.

 

[mohammed.shams]

الحيطان منخل والدروب حفور
والبيبان صرخه بلا صدى ولاصوت
صفنة كنبرة بوحشة مسيت كبور
ووجوه الصغار الحاضنه الشباج
باكة ورد ذابل بالحزن معصور
والنظره متاهه وخوف يرضع خوف
من يهتز قفل حسبالهم شاجور
من يهتز قفل حتى الطيور أطير
مرعوبة جنح وبلا وعيها أدور
ما ضل لا ملاذ يلوذ بيه الخوف
بس حسرة مراره بحشرجة مصدور
قامت والجراد اسراب تتلي اسراب
من تسكن الريح يعشعش المنذور
قامت والدقايق ترضع من الموت
كل لحظه بطبك كل ثانيه بعاشور
قامت والمنايا الي تختل ويه الناس
وتخاوي الرصاصه الصكر والعصفور
قامت والبشر مو بشر (تحذير رابط هكر لاتضغط عليه) زور
يحصدها العصف ويلوجها التنور
حتى الماي ورث
والتوى الصفصاف
شاحب
والنهر من كثر غيضه يفور
والموت بصلافه يدك على البيبيان
ويوزع عليها السدر والكافور
هنا دفتر كتابه
هنا حمامة بيت
هنا وصلة جديله بجف طفل مبتور
هنا تربة صلاة والدم عليها هلال
هنا مصحف جلاله من العصف منشور
هنا صرخة نثايه تشتت بالريح
على جثه تململ من جلب مسعور
قامت والمنايا أدور فوك الروس
صفنت رحى الكاع ورحى الموت أدور
قامت من دخيلك يا علي الكرار
مو هاي القيامه المن بعد م اتكوم
مو هاي القايمه المن بعد م اتكوم

 

[mohammed.shams]

أمي أشگد بچت من چنه أحنه أزغار ...
يوميه ألبواچي أمگابله ألصوره ...
كل ظنهه ألبواچي أترجع ألمات ...
بس أرجع وأگولن حقهه معذوره ...
=========================

 

[mohammed.shams]

هذا سهمج .. والسهم لوعات
والخانه الوكت يرضه بنصيبه
او هذا طبع الناس .. بيهم بلاوفه
اوبيهم وفي .. اتجيبه الحليبه
وانتي لا جف الينشف العين .. لا دار
الولف .. يمج جريبه
يالحسرتج . حسرة المجبود .. وادموعج
تبدّت

 

[mohammed.shams]

گـلبي بسمـك
چـنـه يركـض مــن يـدگ ..

يعـينــه اللـّٰــه
الگلـبه بـي ركضـة عشگ ..
.

 

[mohammed.shams]

خليني أشوفك يافرح بالطيف ...
لو زحمه عليك أبحلم ماشوفك ...
نسيتك يافرح وألحزن بيه أهواي ...
بعد شتفيد منك لمسة أچفوفك ...
عشت عمري حزين وگلبي صاير نار ...
ماريدك بعد ماريد معروفك ...
ليلي وألدمع والقهر والحسبات ...
قطعه أتصير مني ولازم أنعوفك ...
بس لازم أذكرك يافرح مجبور ...
ماتكمل قصيده وناقصه أحروفك ...

 

[mohammed.shams]

ياريت ألمحبه أتسود بين ألناس ...
ونعوف ألمشاكل وبسعاده أنعيش ...
عراقيين أحنه وجسم واحد دوم ...
أبد ماريد أسمع كلمة ألتهميش ...
خلونه نتكاتف أيد وحده أنصير ...
ونعمر بلدنه ألعاش بس تفليش ...
ألك ثقلك عراق وكلهم أيعرفون ...
مو مثل ألبعض يمتلك وزن ألريش ...
=======================